قوناەۆ قالاسىنىڭ قۇرمەتتى ازاماتى, بەلگىلى كاسىپكەر مۇرات سىرگەباەۆ رەسپۋبليكالىق رەفەرەندۋم كۇنى ەرەكشە باستاما كوتەرىپ, رەتروكولىكتەردەن قۇرالعان اۆتوشەرۋ ۇيىمداستىردى. قالا كوشەلەرىمەن ءجۇرىپ وتكەن ءسانى كەلىسكەن كونە اۆتوموبيلدەر كوپشىلىك نازارىن اۋداردى.
«بۇگىن رەسپۋبليكالىق رەفەرەندۋمعا كەلىپ, داۋىسىمدى بەردىم», دەدى مۇرات سىرگەباەۆ. ال كاسىبي پاراپلانشى ەسكەندىر ءجۇنىسوۆ رەفەرەندۋم ۋچاسكەسىنە كوكتەن قالىقتاپ ۇشىپ كەلىپ, ءوز تاڭداۋىن جاسادى. بۇل ەرەكشە قادام ەل بولاشاعىنا دەگەن بيىك ماقساتتار مەن ازاماتتىق بەلسەندىلىكتىڭ جاڭا رامىزىنە اينالدى. ەسكەندىر تولقىن ۇلى زەڭگىر كوكتە ەلىمىزدىڭ كوك بايراعىن جەلبىرەتىپ, جۇرتشىلىقتى ساياسي ناۋقانعا بەلسەنە قاتىسۋعا شاقىردى.
سونداي-اق «قوناەۆ» قورىنىڭ ۆيتسە-پرەزيدەنتى داۋلەتبەك جانبوتاەۆ داۋىس بەرۋ ۋچاسكەسىنە مەملەكەت جانە قوعام قايراتكەرى دىنمۇحامەد قوناەۆ مىنگەن تاريحي جادىگەر «چايكا» اۆتوكولىگىمەن كەلگەنى داۋىس بەرۋشىلەردى بەيجاي قالدىرمادى. كوپشىلىك ەستەلىك سۋرەتتەرگە ءتۇستى.
ايتا كەتەيىك, قوناەۆ قالاسىندا 31 رەفەرەندۋم ۋچاسكەسى جۇمىس ىستەپ تۇر.
الماتى وبلىسى,
قوناەۆ قالاسى