مەملەكەتتىك بيلىكتىڭ بىردەن-ءبىر باستاۋى حالىق ەكەنىن ەسكەرسەك, بۇگىن ءار تاڭداۋ مەن ءار داۋىستىڭ سالماعى زور. رەسپۋبليكالىق رەفەرەندۋمعا قاتىسىپ جاتقان ءبىلىم سالاسىنىڭ ماماندارى وسىلاي دەيدى. ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ باسقارما توراعاسى-رەكتورى سالامات ىدىرىسوۆ بۇل كۇن ەل تاريحىندا ايرىقشا ماڭىزدى كۇن بولىپ قالاتىنىن ايتتى, دەپ جازادى Egemen.kz.
«جاڭا كونستيتۋتسيا جوباسى ۇسىنىلعان ساتتەن باستاپ ونى تالقىلاۋ مەن ءتۇسىندىرۋ جۇمىستارى كەڭ كولەمدە جۇرگىزىلىپ, قوعامدا جان-جاقتى پىكىر الماسۋ بولدى. مۇنىڭ بارلىعى ەل بولاشاعى ءۇشىن جاسالعان ناقتى ءارى جاۋاپتى قادامنىڭ ءبىرى. رەفەرەندۋمعا كەلگەن ءاربىر قازاقستاندىق وسى تاريحي ءساتتىڭ ماڭىزىن تەرەڭ ءتۇسىنىپ, جۇرەك قالاۋىمەن, ازاماتتىق جاۋاپكەرشىلىگىن سەزىنە وتىرىپ ءوز تاڭداۋىن جاسايدى. سىرت كوزگە بايقالا بەرمەگەنىمەن, ەلىمىزدىڭ ءار وڭىرىندەگى سايلاۋ ۋچاسكەلەرىندە مەملەكەت تاعدىرىنا قاتىستى ماڭىزدى ساياسي شەشىم قابىلدانىپ جاتىر», دەدى سالامات ىدىرىسوۆ.
ال «ازاماتتىق اۆياتسيا اكادەمياسى» اق باسقارما توراعاسى-رەكتورى قايرات جاقىپوۆ ءوز سوزىندە كونستيتۋتسيا – مەملەكەتتىلىكتىڭ بەرىك نەگىزى ءارى ەل دامۋىنىڭ باستى قاعيداتتارىن ايقىنداپ, ازاماتتاردىڭ قۇقىقتارى مەن بوستاندىقتارىن قورعاۋدى قامتاماسىز ەتەتىنىن ايتتى.
الماتىدا رەفەرەندۋم بارىسىن 1300-دەن استام تاۋەلسىز باقىلاۋشى قاداعالاپ وتىر
«رەفەرەندۋم – ءار ازاماتقا ءوز ۇستانىمىن بىلدىرۋگە جانە ەلدىڭ ودان ءارى دامۋ باعىتىن ايقىنداۋ ىسىنە قاتىسۋعا مۇمكىندىك بەرەتىن ماڭىزدى دەموكراتيالىق قۇرال. قازاقستان ازاماتى رەتىندە وسىنداي ەل تاعدىرى ءۇشىن جاۋاپتى شارالارعا بەيجاي قاراماي, بەلسەندى قاتىسۋدى ماڭىزدى دەپ سانايمىن. بۇگىن مەن دە ازاماتتىق مىندەتىمدى ورىندادىم. ارقايسىمىزدىڭ بەلسەندى ازاماتتىق ۇستانىمىمىز قوعامنىڭ نىعايۋىنا جانە ەلىمىزدىڭ بولاشاعىنىڭ بەرىك بولۋىنا ىقپال ەتەدى», دەدى ول.
پرەزيدەنت: اتا زاڭ جاس بۋىننىڭ تەمىرقازىعى بولۋعا ءتيىس
ش.ءۋاليحانوۆ اتىنداعى كوكشەتاۋ ۋنيۆەرسيتەتى باسقارما توراعاسى-رەكتورى مارات سىرلىباەۆ تا وسى ۋنيۆەرسيتەت قابىرعاسىندا ورنالاسقان №9 سايلاۋ ۋچاسكەسىندە جەتى مىڭعا جۋىق ستۋدەنت ماڭىزدى ساياسي ناۋقانعا قاتىسىپ جاتقانىن جازدى.
«بۇگىن العاشقىلاردىڭ ءبىرى بولىپ داۋىس بەردىم. ءبىلىم سالاسىنىڭ مامانى رەتىندە مەنىڭ داۋىسىم اتا زاڭدا باسىمدىق العان ستراتەگيالىق باعىتقا, ياعني ءبىلىم, عىلىم, يننوۆاتسيا سالاسىنا, جاس ۇرپاقتىڭ ساپالى ءبىلىم الۋىنا, ەلىمىزدىڭ وركەندەۋىنە جانە بولاشاعىنا ۇلەس قوسۋى ءۇشىن بەرىلدى. مەنىڭ داۋىسىم – ول حالىقتىڭ ءۇنى, بولاشاققا دەگەن سەنىم مەن ءۇمىت, زامان اعىمىنا ءوزىم جانە وتباسىممەن قوسقان ۇلەسىم. مەنىڭ وسى وي-پىكىرىمدى جاقىندارىم, باۋىرلارىم, ارىپتەستەرىم جانە شاكىرتتەرىم قولدايدى دەگەن ويدامىن. شىن مانىندە, اتا زاڭداعى وزگەرىستەرگە ات سالىسۋىمىز – مەملەكەت دامۋىنداعى وڭتايلى بەتبۇرىستاردىڭ تاريحي ءارى تىڭ پاراعى», دەدى ول.
توقاەۆ: كەز كەلگەن ەلدە, سونىڭ ىشىندە قازاقستاندا قوس بيلىك بولماۋعا ءتيىس
قاراعاندى يندۋستريالدى ۋنيۆەرسيتەتىنىڭ باسقارما توراعاسى-رەكتورى باقىت جاۋتىكوۆ تە تەمىرتاۋ قالاسىنداعى سايلاۋ ۋچاسكەلەرىنىڭ بىرىندە داۋىس بەرىپ, ازاماتتاردىڭ مەملەكەتتىك ماڭىزى بار شەشىمدەردى قابىلداۋعا قاتىسۋىنىڭ ماڭىزدىلىعىن اتاپ ءوتتى.
«داۋىس بەرۋگە قاتىسۋ – ازاماتتىق جاۋاپكەرشىلىكتىڭ كورىنىسى جانە ءاربىر ادامنىڭ مەملەكەتتىڭ بولاشاعىنا قوسقان ۇلەسى», دەپ اتاپ ءوتتى ول.