ەلباسى نۇرسۇلتان نازارباەۆ گەرمانيا فەدەرالدىق كانتسلەرى انگەلا مەركەلگە Germanwings اۆياكومپانياسى ۇشاعىنىڭ اپاتقا ۇشىراۋىنا بايلانىستى كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
جەدەلحاتتا قازاقستان پرەزيدەنتى ۇشاق اپاتىنىڭ سالدارىنان گەرمانيا ازاماتتارىنىڭ قازا بولعاندىعى تۋرالى قايعىلى حاباردى كۇيزەلە قابىلداعانى ايتىلعان.
نۇرسۇلتان نازارباەۆ قازاقستان حالقىنىڭ جانە جەكە ءوزىنىڭ اتىنان فەدەرالدىق كانتسلەرگە, قازا بولعانداردىڭ تۋىستارى مەن جاقىندارىنا, سونداي-اق, بارشا گەرمانيا حالقىنا كوڭىل ايتتى.
* * *
مەملەكەت باسشىسى يسپانيا كورولى VI فەليپەگە Germanwings اۆياكومپانياسى ۇشاعىنىڭ اپاتقا ۇشىراۋىنا بايلانىستى كوڭىل ايتۋ جەدەلحاتىن جولدادى.
جەدەلحاتتا ۇشاق اپاتى سالدارىنان يسپانيا ازاماتتارىنىڭ قازا بولعاندىعى تۋرالى حاباردى نۇرسۇلتان نازارباەۆتىڭ كۇيزەلە قابىلداعانى اتاپ وتىلگەن.
ەلباسى قازاقستان حالقىنىڭ جانە جەكە ءوزىنىڭ اتىنان يسپانيا كورولىنە, قازا بولعانداردىڭ تۋىستارى مەن جاقىندارىنا, سونداي-اق, بارشا يسپانيا حالقىنا كوڭىل ايتتى.
* * *
ەلباسى Germanwings اۆياكومپانياسى ۇشاعىنىڭ اپاتقا ۇشىراۋى سالدارىنان قازا تاپقان قازاقستان ازاماتتارىنىڭ تۋعان-تۋىستارى مەن جاقىندارىنا كوڭىل ايتۋ جەدەلحاتىن جولدادى.
جەدەلحاتتا ۇشاق اپاتىنان قازاقستاندىقتاردىڭ قازا تاپقانى تۋرالى حاباردى مەملەكەت باسشىسىنىڭ كۇيزەلە قابىلداعانى ايتىلعان.
نۇرسۇلتان نازارباەۆ ولاردىڭ تۋعان-تۋىستارى مەن جاقىندارىنا قازاقستان حالقىنىڭ جانە جەكە ءوزىنىڭ اتىنان شىن نيەتپەن كوڭىل ايتتى.
سونداي-اق, مەملەكەت باسشىسى قازا تاپقانداردىڭ وتباسىلارىنا قاجەتتى كومەك كورسەتۋ, مارقۇمداردىڭ مايىتتەرىن انىقتاۋ جانە وتانىنا جەتكىزۋ جونىندە قازاقستان رەسپۋبليكاسىنىڭ ءتيىستى مەملەكەتتىك ورگاندارىنا تاپسىرما بەردى.