بۇگىن ساعات 07:00-دە الماتىدا 653 سايلاۋ ۋچاسكەسى اشىلىپ, جالپىحالىقتىق رەفەرەندۋمعا رەسمي تۇردە داۋىس بەرۋ باستالدى, دەپ حابارلايدى Egemen.kz.
العاشقى مينۋتتان-اق ۋچاسكەلەردە تۇرعىنداردىڭ بەلسەندىلىگى بايقالدى. كوپتەگەن الماتىلىق دەمالىس كۇنى تاڭەرتەڭ ەرتە كەلىپ, داۋىس بەرۋدى ءجون كورگەن.
قازاقستاندا جاڭا كونستيتۋتسيا جوباسى بويىنشا داۋىس بەرۋ باستالدى
«كەلۋشىلەر ءۇشىن ارنايى فوتوايماقتار ۇيىمداستىرىلىپ, العاشقى داۋىس بەرۋشىلەردى ءداستۇر بويىنشا شاعىن سىيلىقتار مەن تاتتىلەرمەن قارسى الدى.داۋىس بەرۋ ۇدەرىسىنىڭ قولجەتىمدىلىگىنە ەرەكشە كوڭىل ءبولىندى. كورۋ قابىلەتى بۇزىلعان ازاماتتار ءۇشىن برايل قارپىمەن جاسالعان ترافارەتتەر دايىندالىپ, كابينالار ەرەكشە قاجەتتىلىگى بار ادامدارعا بەيىمدەلدى, سونداي-اق ونلاين-سۋردواۋدارما قىزمەتى ۇيىمداستىرىلدى», دەپ حابارلادى الماتى اكىمدىگىنىڭ ءباسپاسوز قىزمەتى.
گەننادي گولوۆكين قازاقستاننىڭ تايلاندتاعى ەلشىلىگى جانىنداعى ۋچاسكەدە داۋىس بەردى
سونىمەن قاتار مۇمكىندىگى شەكتەۋلى ازاماتتار ءۇشىن «ينۆاتاكسي» قىزمەتى جۇمىس ىستەپ جاتىر. ال ۋچاسكەگە كەلە المايتىن قارتتار مەن دەنساۋلىعىنا بايلانىستى داۋىس بەرە المايتىن ازاماتتارعا ارنالعان كوشپەلى جاشىكتەر ارقىلى ۇيدە داۋىس بەرۋ مۇمكىندىگى قاراستىرىلعان.