ەلىمىزدەگى بارلىق ۋچاسكەدە داۋىس بەرۋ باستالدى. بۇل تۋرالى ورتالىق رەفەرەندۋم كوميسسياسى توراعاسىنىڭ ورىنباسارى مۇحتار ەرمان مالىمدەدى, دەپ حابارلايدى Egemen.kz.
«وبلىستاردىڭ, رەسپۋبليكالىق ماڭىزى بار قالالاردىڭ كوميسسيالارى ۇسىنعان دەرەكتەرگە سايكەس, ساعات 7:00-دەگى جاعداي بويىنشا وڭىرلەردە بارلىق 10388 ۋچاسكە داۋىس بەرۋگە كىرىستى. 92 ۋچاسكەدە اۋماقتىق كوميسسيالاردىڭ قابىلداعان شەشىمدەرىنە سايكەس داۋىس بەرۋ تاڭعى ساعات 6.00-دە باستالدى. تىزىمدەرگە 12 461 796 ازامات ەنگىزىلدى», دەدى مۇحتار ەرمان.
«ەل داۋىسى» قورىنىڭ باقىلاۋشىلارى سايلاۋ ۋچاسكەلەرىنە العاشقىلاردىڭ ءبىرى بولىپ كەلدى
ۋچاسكەلىك كوميسسيالار ازاماتتاردىڭ جازباشا وتىنىشتەرى بويىنشا داۋىس بەرۋ قۇقىعىن بەرەتىن بارلىعى 17 514 ەسەپتەن شىعارۋ كۋالىگىن بەردى. رەسپۋبليكادا 10 388 داۋىس بەرۋ ۋچاسكەسى بار. ونىڭ ىشىندە قازاقستان رەسپۋبليكاسىنىڭ شەت مەملەكەتتەردەگى وكىلدىكتەرىندە 54 ەلدە 71 ۋچاسكە ورنالاسقان.
رەفەرەندۋم: قازاقستان ازاماتى سەۋلدە العاشقىلاردىڭ ءبىرى بولىپ داۋىس بەردى
ايتا كەتەيىك, ساياسي ناۋقان باستالماس بۇرىن اۋقىمدى دايىندىق جۇمىستارى جۇرگىزىلدى. بارلىق ۋچاسكەلەردىڭ كەدەرگىسىز ءارى ساپالى جۇمىس ىستەۋى ءۇشىن ءتيىستى جاعدايدىڭ ءبارى جاسالعان.
كوميسسيا مۇشەلەرى ازاماتتارعا كەز كەلگەن سۇراق بويىنشا كەڭەس بەرىپ, دەر كەزىندە كومەك كورسەتۋ ءۇشىن ارنايى وقۋدان ءوتتى. رەفەرەندۋم بۇكىل رەسپۋبليكا اۋماعىندا بەلسەندى وتۋدە.