ۇكىمەت 2026-2030 جىلدارعا ارنالعان مەديتسينالىق كومەكتىڭ ساپاسىن باسقارۋدى جەتىلدىرۋ جونىندەگى كەشەندى جوسپاردى بەكىتتى. قۇجات مەملەكەت باسشىسىنىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى قازاقستان حالقىنا جولداۋىندا بەرىلگەن تاپسىرمالاردى ورىنداۋ ماقساتىندا ازىرلەنگەن. ءتيىستى قاۋلىعا پرەمەر-مينيستر ولجاس بەكتەنوۆ قول قويدى, دەپ حابارلايدى Egemen.kz.
جوسپار دەرەكتەرگە, تسيفرلىق قۇرالدارعا جانە جاساندى ينتەللەكت تەحنولوگيالارىنا نەگىزدەلگەن مەديتسينالىق قىزمەت ساپاسىن باقىلاۋ مەن باسقارۋدىڭ جاڭا ۇلگىسىنە كوشۋگە باعىتتالعان. قۇجات مەديتسينالىق كومەكتىڭ ساپاسى مەن قاۋىپسىزدىگىن جۇيەلى تۇردە جاقسارتۋعا, پروتسەستەردىڭ اشىقتىعىن ارتتىرۋعا جانە رەتتەۋدىڭ تيىمدىلىگىن كۇشەيتۋگە ارنالعان شارالاردى قامتيدى.
نەگىزگى ماقسات – پاتسيەنت مەديتسينالىق قىزمەتتەردىڭ ساپاسىن باعالاۋ جانە باقىلاۋ ۇدەرىسىنىڭ بەلسەندى قاتىسۋشىسىنا اينالاتىن مودەل قالىپتاستىرۋ.
كەشەندى جوسپار اياسىندا جۇيەنى دامىتۋدىڭ ءتورت ستراتەگيالىق باعىتى ايقىندالعان. ولار:
مەديتسينالىق قىزمەت كورسەتۋ سالاسىنداعى رەتتەۋشى قۇرالداردى جاڭعىرتۋ; جاساندى ينتەللەكت نەگىزىندە ساپا ساراپتاماسىنىڭ جاڭا مودەلىن ەنگىزۋ جانە ۇلتتىق ساپا ينستيتۋتىن قۇرۋ; كاسىبي مەديتسينالىق قاۋىمداستىق پەن پاتسيەنتتەردىڭ ءرولىن كۇشەيتۋ; ساپانى باسقارۋ جۇيەسىن تولىق تسيفرلىق ترانسفورماتسيالاۋ.جوسپاردى ىسكە اسىرۋ مەديتسينالىق كومەكتىڭ ساپاسىن رەتتەۋدىڭ بىرىڭعاي جۇيەسىن قالىپتاستىرۋعا, مەديتسينالىق ۇيىمداردىڭ قىزمەتىندەگى اشىقتىقتى ارتتىرۋعا جانە باسقارۋشىلىق شەشىمدەردى وبەكتيۆتى دەرەكتەر نەگىزىندە قابىلداۋعا مۇمكىندىك بەرەدى. ناتيجەسىندە 2030 جىلعا قاراي مەديتسينالىق قىزمەت ساپاسىنىڭ نەگىزگى كورسەتكىشتەرى جاقسارادى دەپ كۇتىلەدى.
قىزىلشاعا قارسى ەكپە مەديتسينا قىزمەتكەرلەرىنە دە سالىناتىن بولدى
قۇجاتتا ساپانى باسقارۋ جۇيەسىن تسيفرلىق فورماتقا كوشىرۋ باستى مىندەتتەردىڭ ءبىرى رەتىندە بەلگىلەنگەن. اتاپ ايتقاندا, پروفيلاكتيكالىق باقىلاۋ جۇيەسىن ەنگىزۋ ارقىلى ساراپشىنىڭ اۆتوماتتاندىرىلعان جۇمىس ورنى قۇرىلادى, ال ليتسەنزيادان كەيىنگى باقىلاۋ پروتسەستەرى تولىق تسيفرلاندىرىلادى.
زاڭنامالىق وزگەرىستەر اياسىندا 2028 جىلدان باستاپ تمككك جانە ءمامس شەڭبەرىندە قىزمەت كورسەتەتىن مەديتسينالىق ۇيىمدار ءۇشىن مىندەتتى اككرەديتاتسيا تالابى ەنگىزىلەدى. سونىمەن قاتار اككرەديتاتسيادان كەيىنگى مونيتورينگ جۇيەسىن تسيفرلاندىرۋ جوسپارلانىپ وتىر.
جوسپارعا سايكەس, مەديتسينالىق ۇيىمداردى ليتسەنزيادان كەيىنگى مونيتورينگپەن قامتۋ دەڭگەيى 70%-عا جەتەدى, ال ولاردىڭ كەمىندە 80%-ى جاڭا ستاندارتتار بويىنشا اككرەديتتەلەدى.
سونداي-اق دەنساۋلىق ساقتاۋدى دامىتۋدىڭ ۇلتتىق عىلىمي ورتالىعى بازاسىندا ۇلتتىق ساپا ينستيتۋتىن قۇرۋ كوزدەلگەن. بۇل ينستيتۋت ادىسنامالىق جانە تالدامالىق ورتالىق رەتىندە جۇمىس ىستەيدى.
ينستيتۋت قىزمەتى دۇنيەجۇزىلىك دەنساۋلىق ساقتاۋ ۇيىمىنىڭ تەحنيكالىق قولداۋىمەن جۇزەگە اسىرىلادى. بۇل قازاقستاندا پاتسيەنتتەردىڭ قاۋىپسىزدىگىنە قاتىستى حالىقارالىق دەڭگەيدە مويىندالعان ۇزدىك ستاندارتتاردى ەنگىزۋگە مۇمكىندىك بەرەدى.
قوسىمشا مەديتسينالىق ءبىلىم ساپاسىنا قويىلاتىن تالاپ كۇشەيدى
بۇدان بولەك, مەديتسينالىق كومەكتىڭ ساپاسىن باسقارۋ ۇدەرىسىندە مەديتسينالىق قاۋىمداستىق پەن پاتسيەنتتەردىڭ قاتىسۋى كەڭەيتىلەدى. كاسىبي بىرلەستىكتەر ساپانى تاۋەلسىز ساراپتاۋعا جانە مامانداردىڭ كلينيكالىق ويلاۋىن باعالاۋعا تارتىلادى. ال پاتسيەنتتەردى قولداۋ قىزمەتىن تسيفرلاندىرۋ ازاماتتاردىڭ وتىنىشتەرى مەن شاعىمدارىنا ناقتى ۋاقىت رەجيمىندە جەدەل جاۋاپ بەرۋگە جول اشادى.
جوسپارعا سايكەس, 2028 جىلعا دەيىن مەديتسينالىق كومەك كورسەتۋ ستاندارتتارى مەن ەرەجەلەرى تولىق تسيفرلاندىرىلادى, ال 2027 جىلى ساپا ساراپتاماسىنىڭ ءۇش كومپونەنتتى مودەلى ەنگىزىلەدى. سونىمەن بىرگە 2028 جىلعا قاراي مەديتسينالىق كومەكتىڭ ساپاسى مەن كولەمىن باقىلاۋ جاعدايلارىنىڭ كەمىندە 20%-ى جي تەحنولوگيالارى ارقىلى جۇزەگە اسادى.
جالپى العاندا, كەشەندى جوسپاردى ىسكە اسىرۋ دەنساۋلىق ساقتاۋ جۇيەسىندەگى بارلىق قاتىسۋشىلاردىڭ ءىس-قيمىلىن ۇيلەستىرۋگە, مەديتسينالىق قىزمەت ساپاسىن باسقارۋدىڭ اشىقتىعى مەن تيىمدىلىگىن ارتتىرۋعا مۇمكىندىك بەرەدى.
مەديتسينا فاكۋلتەتىنىڭ ستۋدەنتتەرى جاڭا كونستيتۋتسيا جوباسىن تالقىلادى