سىرتقى ىستەر ءمينيسترى ەرمەك كوشەرباەۆ تۇركيا رەسپۋبليكاسىنىڭ سىرتقى ىستەر ءمينيسترى حاكان فيدانمەن تەلەفون ارقىلى سويلەستى, دەپ حابارلايدى Egemen.kz.
سۇحبات بارىسىندا مينيسترلەر تاياۋ شىعىستاعى قازىرگى احۋالدى جانە ونى دەەسكالاتسيالاۋ مۇمكىندىكتەرىن تالقىلادى. تۇرىك تاراپى تۇركيا مەن ازەربايجان اۋماقتارىنا جاسالعان اسكەري شابۋىلدارعا بايلانىستى ەلەۋلى الاڭداۋشىلىق ءبىلدىردى.
سىرتقى ساياسي ۆەدومستۆولاردىڭ باسشىلارى ەكى ەل اراسىنداعى ساۋدا-ەكونوميكالىق قاتىناستاردى ودان ءارى دامىتۋعا ءوزارا بەيىلدىلىگىن راستادى.
سۇحبات قورىتىندىسى بويىنشا ەكى مەملەكەتتىڭ سىرتقى ىستەر جانە كولىك مينيسترلىكتەرى دەڭگەيىندە كەزدەسۋ وتكىزۋ تۋرالى ۋاعدالاستىققا قول جەتكىزىلدى.
ايتا كەتەيىك, بۇعان دەيىن Air Astana 7,8 جانە 9 ناۋرىزدا ساۋد ارابياسىنان وتانداستارىمىزدى ەۆاكۋاتسيالاۋدى جالعاستىراتىنىن حابارلاعان ەدىك.