باتىر انالارعا – ءىلتيپات

حالىقارالىق ايەلدەر كۇنى قارساڭىندا ۇلىتاۋ وبلىستىق ءماسليحاتىنىڭ شەشىمىمەن بەكىتىلگەن قاعيدالارعا سايكەس, وڭىردەگى كوپبالالى انالارعا بىرجولعى الەۋمەتتىك كومەك كورسەتىلدى.

اتاپ ايتقاندا, «التىن القا», «كۇمىس القا» تاققان, بۇرىن «باتىر انا» اتاعىن العان, سونداي-اق I جانە II دارەجەلى «انا داڭقى» وردەندەرىمەن ماراپاتتالعان ايەلدەرگە 20 مىڭ تەڭگە مولشەرىندە تولەم بەرىلدى.

بۇگىندە ءوڭىر بويىنشا اتالعان ساناتقا جاتاتىن انالاردىڭ سانى 9 375-ءتى قۇرايدى. بۇل ماقساتقا جالپى 187 500 000 تەڭگە باعىتتالىپ وتىر.

قازىر ۇلىتاۋ وبلىسىندا ايەلدەر مەن قىز-كەلىنشەكتەر سانى 110 928 ادامدى قۇرايدى, بۇل – وبلىس حالقىنىڭ 50,7 پايىزى. انالاردى قولداۋ مەن ولاردىڭ قوعامداعى ءرولىن ارتتىرۋ – ءوڭىر الەۋمەتتىك ساياساتىنىڭ باسىم باعىتتارىنىڭ ءبىرى.

ۇلىتاۋ وبلىسى