بۇگىن, 22-نەن 23 اقپانعا قاراعان ءتۇنى يتاليانىڭ ۆەرونا قالاسىندا 2026 جىلعى XXV قىسقى وليمپيادا ويىندارىنىڭ جابىلۋ سالتاناتى وتەدى, دەپ جازادى Egemen.kz.
تىكەلەي ترانسلياتسيا قازاقستان ۋاقىتى بويىنشا 23:45-تە باستالادى جانە «Qazaqstan», «Qazsport» جانە «حابار» تەلەارنالارىنان كورسەتىلەدى.ء ىس-شارا «ارەنا دي ۆەرونا» امفيتەاترىندا وتەدى.
يتاليانىڭ ميلان جانە كورتينا-د’امپەتستسو قالالارىندا وتكەن وليمپيادا «Beauty in Action» («سۇلۋلىق – قوزعالىستا») اتتى شوۋىمەن اياقتالادى.
جابىلۋ سالتاناتىنا بارلىق قاتىسۋشى ەلدەردىڭ دەلەگاتسيالارى, ونىڭ ىشىندە قازاقستان دا قاتىسادى – سپورتشىلار ارەنادان سالتاناتتى تۇردە وتەدى.
جابىلۋ ءراسىمى 2030 جىلعى قىسقى وليمپيادانىڭ استاناسى – فرانتسۋز الپىلەرىنە وليمپيادالىق تۋدى تاپسىرۋمەن اياقتالادى.
ايتا كەتەيىك, 2026 جىلعى وليمپيادادا قازاقستان قۇراماسىنىڭ ساپىندا 36 سپورتشى ونەر كورسەتتى, ولار سپورتتىڭ 10 ءتۇرى بويىنشا جارىسقا قاتىستى.
قازاقستان قۇراماسى وليمپيادا-2026 ويىندارىن ءبىر التىن مەدالمەن اياقتاپ, جالپىكوماندالىق ەسەپتە 19-ورىنعا تۇراقتادى.
وليمپيادانىڭ سوڭعى كۇنى جارىس جولىنا كىمدەر شىعادى