ۆاشينگتوندا پرەزيدەنت قاسىم-جومارت توقاەۆ امەريكا قۇراما شتاتتارىندا تۇراتىن جانە ءبىلىم الىپ جۇرگەن قازاقستان ازاماتتارىمەن كەزدەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اڭگىمەلەسۋ بارىسىندا قاسىم-جومارت توقاەۆ وسكەلەڭ ۇرپاققا ۇلكەن ءۇمىت ارتاتىنىن ايتتى. سونداي-اق مەملەكەت جاستارعا ۇدايى قولداۋ كورسەتىپ, ولاردىڭ جان-جاقتى دامۋىنا جانە قابىلەت-قارىمىن ۇشتاۋعا قولايلى جاعداي جاسايتىنىن جەتكىزدى.
پرەزيدەنت ناۋرىز ايىندا قازاقستان رەسپۋبليكاسىنىڭ جاڭا كونستيتۋتسياسى جوباسى بويىنشا وتەتىن جالپىحالىقتىق رەفەرەندۋمنىڭ ەل بولاشاعى ءۇشىن تاريحي ماڭىزى زور ەكەنىنە نازار اۋداردى.
مەملەكەت باسشىسى قاسىم-جومارت توقاەۆ ۆاشينگتونعا جۇمىس ساپارىمەن باردى
ستۋدەنتتەر مەن جاس زەرتتەۋشىلەر عىلىم جانە ءبىلىم سالاسىنا جان-جاقتى قولداۋ كورسەتكەنى ءۇشىن قاسىم-جومارت توقاەۆقا ريزاشىلىق ءبىلدىردى.