قانات بوزىمباەۆ وڭىرلەردىڭ سۋ تاسقىنى قاۋپى جوعارى كەزەڭگە دايىندىق بارىسىن تەكسەردى

ۆيتسە-پرەمەر سۋ شارۋاشىلىعى نىساندارىنىڭ, جولدار مەن كوپىرلەردىڭ, جەدەل دەن قويۋ كۇشتەرى مەن قۇرالدارىنىڭ دايىندىعىن تەكسەرىپ, «Talsim» جۇيەسىنىڭ بولجامدىق دەرەكتەرىمەن جانە «Tasqyn» جۇيەسىندەگى سۋ تاسقىنىن مودەلدەۋ ناتيجەلەرىمەن تانىستى. سونىمەن قاتار قاۋىپ دەڭگەيى جوعارى ايماقتارعا جاتقىزىلعان وڭىرلەردىڭ ەسەپتەرى تىڭدالدى.

وڭىرلەردە سۋ تاسقىنىنىڭ الدىن الۋ بويىنشا اۋقىمدى جۇمىستار اتقارىلدى. 831 شاقىرىم قورعانىس بوگەتتەرى سالىنىپ, توپىراق ۇيىندىلەرى تۇرعىزىلدى. 1 مىڭ شاقىرىمنان استام درەناج جۇيەلەرى, ارنالار مەن ارىقتار جوندەلىپ, قايتا سالىندى. اۆتوموبيل جانە تەمىرجول ۋچاسكەلەرىندە 934 سۋ وتكىزۋ قۇرىلىسى ورناتىلىپ, اۋىستىرىلدى, شىعىس قازاقستان جانە قوستاناي وبلىستارىندا كوپىرلەرگە كۇردەلى جوندەۋ جۇرگىزىلدى.

سولتۇستىك قازاقستانداعى سۋ تاسقىنى قاۋپى سەيىلدى مە؟

سۋ تاسقىنى قاۋپى بار وزەن ۋچاسكەلەرىندە شامامەن 166 شاقىرىم ارنانى تەرەڭدەتۋ, 255 شاقىرىم جاعالاۋدى بەكىتۋ, 221 شاقىرىم ارنالاردى تۇزەۋ جانە 172 شاقىرىم سۋ ارناسى مەن وزەن ارنالارى تازارتىلدى. سۋ تاسقىنىنا قارسى ءىس-شارالار جالعاسىپ جاتىر.

قاراشا-قاڭتار ايلارى ارالىعىندا توتەنشە جاعدايلار مينيسترلىگىنىڭ لاۋازىمدى تۇلعالارى بارلىق ءوڭىردى ارالاپ, ولاردىڭ سۋ تاسقىنى قاۋپى جوعارى كەزەڭگە دايىندىعىن باعالادى.

«قازگيدرومەت» رمك-نىڭ الدىن الا گيدرولوگيالىق بولجامىنا سايكەس, بيىلعى كوكتەمدە رەسپۋبليكانىڭ باسىم بولىگىندە جاۋىن-شاشىن مولشەرى نورمادان جوعارى بولادى دەپ كۇتىلۋدە. وسىعان بايلانىستى وڭىرلەردەگى سۋ تاسقىنى قاۋپىنە الدىن الا باعا بەرىلدى.

وڭىرلەر ىقتيمال سۋ تاسقىنىنا دايىن با؟

پرەمەر-ءمينيستردىڭ ورىنباسارى اقمولا, سولتۇستىك قازاقستان, قاراعاندى, شىعىس قازاقستان جانە اباي وبلىستارىندا سۋ تاسقىنىنىڭ الدىن الۋ شارالارىن كۇشەيتۋ قاجەتتىگىن باسا ايتتى.

«كوكتەمنىڭ باسى جىلى ءارى جاۋىن-شاشىندى بولادى دەپ كۇتىلەدى. وتكەن كۇزدە تولاسسىز جاۋعان جاڭبىر بىرقاتار وڭىردە جەر بەتىندە مۇز قىرتىسىنىڭ تۇزىلۋىنە اكەلدى, بۇل سۋ تاسقىنى جاعدايىن كۇردەلەندىرۋى مۇمكىن. وسىعان بايلانىستى ءتۇرلى جاعدايعا دايىن بولىپ, قاجەتتى شارالاردى الدىن الا قابىلداۋ ماڭىزدى. بۇل, اسىرەسە, اقمولا, سولتۇستىك قازاقستان, قاراعاندى وبلىستارى مەن اباي وبلىسىنىڭ اكىمدىكتەرىنە قاتىستى, ويتكەنى ول وڭىرلەردە بىرقاتار ماسەلە بار, ال ولاردىڭ كەيبىرى بويىنشا شەشىم ءالى كۇنگە دەيىن قابىلدانباعان», دەپ اتاپ ءوتتى قانات بوزىمباەۆ. سۋ تاسقىنىنا دايىندىق كۇشەيتىلدى