اقتوبەدە 52 جاستاعى ەر ادام ينتەرنەت-الاياقتاردىڭ قۇرىعىنا ەكى مارتە ءتۇسىپ, اقشاسىنان ايىرىلدى. باستاپقىدا 7 ملن تەڭگەدەن ايىرىلعان ول كەيىن ۇرلانعان اقشانى قايتارۋدى ۋادە ەتكەندەرگە سەنىپ, تاعى 400 مىڭ تەڭگە اۋدارىپ جىبەرگەن, دەپ حابارلايدى Egemen.kz.
ءبىر جىل بۇرىن اقتوبە تۇرعىنى الاياقتارعا كريپتوۆاليۋتاعا ينۆەستيتسيا سالۋدان جوعارى پايدا الۋ ۇمىتىمەن 7 ملن تەڭگە اۋدارعان. كەيىن ەر ادام YouTube-تەگى جارنامادان ۇرلانعان قاراجاتتى قايتارۋ قىزمەتىن ۇسىناتىنىن كورگەن. سول ۋادەلەرگە سەنىپ, ول «ماماندارعا» 400 مىڭ تەڭگە اۋدارعان. اقشا قولدارىنا تيگەن بويدا الاياقتار بايلانىستى ءۇزىپ, عايىپ بولعان.
ينتەرنەت-الاياقتىق تىيىلماي تۇر: «قۇپيا سانتا» ويىن با الدە تۇزاق پا؟
«ينتەرنەتتەگى جەكە حابارلاندىرۋلار ارقىلى الاياقتار ۇرلاعان اقشانى قايتارۋدىڭ كەپىلدەندىرىلگەن جولى جوق. اقشانى 100 پايىز قايتارۋعا ۋادە بەرۋ – قايتا الداۋ ارەكەتىنىڭ كەڭ تاراعان ءتۇرى», دەپ حابارلادى پوليتسيا.
الماتىدا الاياقتىققا قاتىسى بار 17,6 مىڭ ينتەرنەت-رەسۋرس بۇعاتتالدى
اتالعان فاكتى بويىنشا قىلمىستىق ءىس قوزعالعان, سونداي-اق كۇدىكتىلەردى انىقتاۋ جانە ۇستاۋ ءۇشىن تەرگەۋ ارەكەتتەرى جۇرگىزىلىپ جاتىر.
WhatsApp-تا كيبەرالاياقتىقتىڭ جاڭا ءتۇرى پايدا بولدى