اتىراۋ وبلىسىندا جىل باسىنان بەرى 102 ارناسىنا وتباسىلىق زورلىق-زومبىلىققا قاتىستى 100-دەن استام حابار تۇسكەن, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جەرگىلىكتى پوليتسەيلەر وتباسىنداعى قۇقىق بۇزۋشىلىقتاردىڭ الدىن الۋ شاراسىن كۇشەيتتى.
«وبلىس اۋماعىندا 27 قاڭتاردان بەرى تۇرمىستىق قۇقىق بۇزۋشىلىقتاردىڭ الدىن الۋعا باعىتتالعان «تۇرمىس» جەدەل-پروفيلاكتيكالىق ءىس-شاراسى ءوتىپ جاتىر. وسى شارا اياسىندا №1 اتىراۋ قالالىق پوليتسيا ءبولىمىنىڭ قىزمەتكەرلەرى ۋچاسكەلىك پوليتسيا ينسپەكتورلارىمەن بىرگە جانجال ءجيى بولاتىن وتباسىلاردى تەكسەرىپ, پروفيلاكتيكالىق جۇمىس جۇرگىزۋدى قولعا الدى. ويتكەنى جىل باسىنان بەرى 102 ارناسىنا 100-دەن استام حابار ءتۇستى. تەكسەرۋ ناتيجەسىنەن سوڭ 79 ادامعا قورعاۋ نۇسقاماسى شىعارىلدى. سوت شەشىمىمەن 20 ازاماتقا مىنەز-قۇلقىنا قاتىستى ەرەكشە تالاپ بەلگىلەندى», دەپ حابارلادى دەپارتامەنتتىڭ ءباسپاسوز قىزمەتى.