ۇقك Cىبايلاس جەمقورلىققا قارسى ءىس-قيمىل قىزمەتى شىعىس قازاقستان وبلىسىنىڭ جولاۋشى كولىگى جانە اۆتوموبيل جولدارى باسقارماسىنىڭ بۇرىنعى باسشىسى پارا الدى جانە لاۋازىمدىق وكىلەتتىكتەردى تەرىس پايدالاندى دەگەن كۇدىكپەن ۇستالدى, دەپ حابارلايدى Egemen.kz.
ۆەدومستۆونىڭ ءباسپاسوز قىزمەتى ۇسىنعان مالىمەتكە جۇگىنسەك, كۇدىكتى جول قۇرىلىسى كومپانيالارىنىڭ جانە اۆتوبۋس پاركتەرىنىڭ وكىلدەرىنەن 134 ملن تەڭگە سوماسىندا زاڭسىز سىياقى العان. ءتىنتۋ بارىسىندا ونىڭ ۇيىنەن 121,9 ملن تەڭگە جانە 97,7 مىڭ اقش دوللارى تابىلىپ, تاركىلەندى.
«سونداي-اق, شقو ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسىنا قاتىستى قىلمىستىق ءىس قوزعالدى. ول مۇعالىمدەردىڭ مەملەكەتتىك اتتەستاتتاۋدان وتۋىنە جاردەمدەسكەنى ءۇشىن جۇيەلى تۇردە اقشالاي قاراجات العان», دەپ حابارلادى ۇقك ءباسپاسوز قىزمەتى.
سوت سانكتسياسىمەن اتالعان ادامدار قاماۋعا الىندى. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
پرەزيدەنت: جەمقورلىققا بەيىم ادام ەشقاشان پاتريوت بولا المايدى
ەستەرىڭىزگە سالا كەتەيىك, بۇعان دەيىن شقو اكىمدىگى جولاۋشى كولىگى جانە اۆتوموبيل جولدارى باسقارماسىن باسقارعان دانيار ۋاحيتوۆ ءوز وتىنىشىمەن بويىنشا قىزمەتىنەن بوساتىلعانىن ءمالىم ەتكەن.
بۇل شەشىم وبلىس اكىمى نۇرىمبەت ساقتاعانوۆتىڭ تاپسىرماسىنا سايكەس مەملەكەتتىك قىزمەتشىلەر اراسىنداعى سىبايلاس جەمقورلىق تاۋەكەلدەرىن جويۋ باعىتىندا جۇرگىزىلىپ جاتقان جۇمىستار اياسىندا قابىلدانعان.