بۇگىن مەملەكەتتىك قىزمەت ىستەرى اگەنتتىگىندە ادالدىق يدەولوگياسىن جانە سىبايلاس جەمقورلىققا قارسى مادەنيەتتى ىلگەرىلەتۋدىڭ جاڭا تاسىلدەرى تالقىلاندى, دەپ جازادى Egemen.kz.
ءىس-شاراعا ازاماتتىق قوعام وكىلدەرىمەن قاتار پارلامەنت دەپۋتاتتارى, قازاقستان حالقى اسسامبلەياسىنىڭ وكىلدەرى, اكادەميالىق قاۋىمداستىق جانە بۇقارالىق اقپارات قۇرالدارى قاتىستى.
اگەنتتىك توراعاسى دارحان جازىقباي بايانداما بارىسىندا مەملەكەت باسشىسى «Turkistan» گازەتىنە بەرگەن سۇحباتىندا ايقىنداعان سىبايلاس جەمقورلىقتىڭ الدىن الۋعا جانە ادالدىق مادەنيەتىن قالىپتاستىرۋعا باعىتتالعان ساياسات اياسىندا ىسكە اسىرىلىپ جاتقان پرەۆەنتيۆتىك شارالاردىڭ باسىمدىعىن اتاپ ءوتتى. ول سونداي-اق «زاڭ مەن ءتارتىپ», «حالىق ۇنىنە قۇلاق اساتىن مەملەكەت» جانە «ادال ازامات» قاعيداتتارىن ادىلەتتى قازاقستاندى قالىپتاستىرۋدىڭ ينستيتۋتسيونالدىق نەگىزى رەتىندە جۇيەلى تۇردە نىعايتۋدىڭ ماڭىزدىلىعىن اتاپ ءوتتى.
سىبايلاس جەمقورلىقتىڭ الدىن الۋ ماسەلەلەرى تالقىلاندى
وسى تۇرعىدا «قوعامدىق پىكىر» ينستيتۋتى جۇرگىزگەن الەۋمەتتىك ساۋالناما ناتيجەلەرى سىبايلاس جەمقورلىققا قارسى مادەنيەتتى قالىپتاستىرۋ باعىتىنداعى جۇمىستىڭ ازاماتتاردىڭ قۇقىقتىق ساناسىنىڭ ارتۋىنا ىقپال ەتىپ, قوعامدىق باعالاۋلاردا وڭ وزگەرىستەرگە اكەلەتىنىن كورسەتىپ وتىر.
اتاپ ايتقاندا, حالىق اراسىنداعى جەمقورلىقتى قابىلداۋ دەڭگەيى وتكەن جىلمەن سالىستىرعاندا 32,9%-دان 31,9%-عا دەيىن تومەندەسە, قىلمىستىق قۋدالاۋعا تارتىلعان مەملەكەتتىك قىزمەتشىلەردىڭ ۇلەسى 2023-2024 جىلدارداعى 0,4%-دان 2025 جىلدىڭ قورىتىندىسى بويىنشا 0,3%-عا دەيىن قىسقاردى.
قازاقستانداعى سىبايلاس جەمقورلىققا قارسى رەفورمالاردىڭ ناتيجەلەرى قانداي؟
«بۇل ماسەلەدە اقپاراتتىق-اعارتۋ جۇمىسى مەن ازاماتتىق قوعامنىڭ پاراساتتىلىقتى, مورالدىق-ادەپ باعدارلاردى, سونداي-اق رۋحاني قۇندىلىقتاردى ىلگەرىلەتۋگە قاتىسۋ دارەجەسى ماڭىزدى ءرول اتقارادى. ءىس-شارانىڭ قورىتىندىسى بويىنشا قاتىسۋشىلار جەمقورلىققا قارسى تۇراقتى مادەنيەتتى قالىپتاستىرۋ مەكتەپ ورتاسىنان باستاپ, وتباسىلىق جانە قوعامدىق كەڭىستىكتى دايەكتى تۇردە قامتيتىن جۇيەلى جانە ۇزاق مەرزىمدى سيپاتتا بولۋى ءتيىس دەگەن تۇجىرىم جاسادى», دەلىنگەن اگەنتتىك تاراتقان حابارلامادا.
سىبايلاس جەمقورلىققا قارسى ءىس-شارالار – ادىلەتتى قوعامعا باستايتىن جول