وڭتۇستىك كورەيانىڭ ينچحون قالاسىندا الەمدەگى ەڭ الىپ مۇرال بار. «Guinness World Records» دەرەگىنشە, پورت اۋماعىنداعى وندىرىستىك نىسانداردىڭ سىرتىنا سالىنعان بۇل سۋرەتتىڭ جالپى كولەمى – 23 688,7 شارشى مەتر.
رەكورد 2018 جىلى 20 قىركۇيەكتە رەسمي تىركەلگەن. جوبانى ينچحون قالاسىنىڭ ونەركاسىپتى ىلگەرىلەتۋ بولىمشەسى, ينچحون پورت اكىمشىلىگى جانە سەرىكتەس ۇيىمدار بىرلەسىپ جۇزەگە اسىرعان. بۇل – كادىمگى گالەرەياعا ىلىنەتىن شاعىن كارتينا ەمەس, عيماراتتىڭ سىرتقى قابىرعاسىنا سالىناتىن الىپ سۋرەت. وسىلايشا, ينچحونداعى سۇرقاي كورىنەتىن نىساندار الىستان-اق كوز تارتاتىن كوركەم كەڭىستىككە اينالعان. بۇل رەكورد ءبىر جاعىنان ونەردىڭ مۋزەيدە عانا ەمەس, كۇندەلىكتى ومىردە دە ادامدارعا قۋانىش سىيلاي الاتىنىن دالەلدەدى.