اقش-تا سوڭعى 100 جىلداعى ەڭ كۇشتى داۋىلداردىڭ ءبىرى – «فەرن» ەل اۋماعىن شارپىدى, دەپ حابارلايدى Egemen.kz.
داۋىل سالدارىنان ەلدە 13 000-نان استام اۋە رەيسى توقتاتىلدى. سولتۇستىك-باتىس, ورتالىق جانە وڭتۇستىك شتاتتاردا بوران, قار جانە مۇز جاڭبىر بىرنەشە كۇن بويى جالعاسادى دەپ بولجانىپ وتى.
24 قاڭتار كەشكە قاراي 139 مىڭنان استام تۇتىنۋشى ەلەكتر جارىعىنسىز قالدى, بۇل كورسەتكىش كۇن ساناپ ءوسىپ كەلەدى. جارىقسىز قالۋ وقيعالارى كوبىنە تەحاس پەن لۋيزيانا شتاتتارىندا تىركەلگەن. نيۋ-يورك كوشەلەرىنەن اۋا رايىنىڭ سالدارىنان ءۇش ادامنىڭ ءمايىتى تابىلدى – 67 جاستاعى ەر ادام, شامامەن 30 جاستاعى جاس جىگىت جانە قارت ايەل.
توتەنشە جاعداي ەنگىزىلدىپرەزيدەنت دونالد ترامپ جاعدايعا بايلانىستى وڭتۇستىك كارولينا, ۆيردجينيا, تەننەسسي, دجوردجيا, سولتۇستىك كارولينا, مەريلەند, اركانزاس, كەنتۋككي, لۋيزيانا, ميسسيسيپي, ينديانا, باتىس ۆيردجينيا شتاتتارىندا فەدەرالدى توتەنشە جاعداي رەجيمىن بەكىتتى. ول ازاماتتاردى «قاۋىپسىز جانە جىلى جەردە بولۋعا» شاقىردى.
اقش ىشكى قاۋىپسىزدىك مينيسترلىگىنىڭ مالىمەتىنشە, داۋىل كەم دەگەندە 17 شتات پەن كولۋمبيا وكرۋگىندە اسا قيىن اۋا رايى جاعدايلارىن تۋعىزدى. 12 شتاتتا داۋىل سالدارىن جەڭۋ ءۇشىن ۇلتتىق ۇلان قىزمەتكەرلەرى جۇمىلدىرىلدى.
سالدارى 220 ميلليوننان استام تۇرعىنعا اسەر ەتۋى مۇمكىناقش ۇلتتىق مەتەورولوگيالىق قىزمەتى ونى «شەكتەۋسىز ءارى ۇزاققا سوزىلاتىن قىسقى داۋىل» دەپ اتاعان. مەتەورولوگتاردىڭ بولجامىنشا, داۋىل وڭتۇستىك-شىعىس شتاتتاردا مۇزدانۋدى كۇشەيتىپ, سالدارى جويقىن اپاتقا دەيىن جەتۋى مۇمكىن. نيۋ-يورك مەرى زوحران مامداني قالادا 20-23 سم قار جاۋادى جانە سۋىق اۋا رايى قاڭتار ايىنىڭ سوڭىنا دەيىن ساقتالادى دەپ حابارلاعان.
بولجام بويىنشا, داۋىلدىڭ سالدارى اقش-تاعى 220 ميلليوننان استام تۇرعىنعا اسەر ەتۋى مۇمكىن.
اقش-تا قىسقى داۋىلدان 50 ادام كوز جۇمدى