قازاقستان بياتلونشىلار وداعى جاتتىقتىرۋشىلار شتابىمەن بىرلەسىپ, يتاليادا وتەتىن قىسقى وليمپيادا ويىندارىندا ەل نامىسىن قورعايتىن سپورتشىلاردىڭ ءتىزىمىن رەسمي تۇردە بەكىتتى, دەپ حابارلايدى Egemen.kz.
جاتتىقتىرۋشىلار كەڭەسىنىڭ شەشىمىمەن ۆلاديسلاۆ كيرەەۆ, اسەت دۇيسەنوۆ, ميلانا گەنەۆا, ايشا راكيشەۆا قىسقى وليمپيادادا سايىسادى. فەدەراتسيانىڭ مالىمەتىنشە, بۇل قۇرام – ۇلتتىق قۇرامانىڭ تاريحىنداعى ەڭ جاس كوماندالاردىڭ ءبىرى. سپورتشىلار 24-25 جاستا.
قۇراما قازىرگى ۋاقىتتا چەحيادا وقۋ-جاتتىعۋ جيىنىنا قاتىسىپ جاتىر جانە الەم كۋبوگىنىڭ كەزەكتى كەزەڭىندە باق سىنايدى. بۇل تۋرنير وليمپياداعا دايىندىقتىڭ سوڭعى كەزەڭى بولماق. ودان كەيىن وليمپيادالىق قۇراما يتالياعا وقۋ-جاتتىعۋ جيىنىنا اتتانادى.
ايتا كەتەيىك, 2026 جىلعى وليمپيادادا بياتلون جارىستارى 8 اقپاندا باستالادى.
بۇعان دەيىن قازاقستان بياتلونشىلارىنا 4 جولداما بەرىلگەنىن جازعانبىز.