پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا ۇكىمەت وتىرىسىندا بۇقارالىق اقپارات قۇرالدارى سالاسىنداعى زاڭنامانى جەتىلدىرۋ تۋرالى مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, 16 جاسقا تولماعان ازاماتتاردىڭ الەۋمەتتىك جەلىلەردە ءوز بەتىنشە تىركەلۋىنە تىيىم سالۋدى كوزدەيتىن قۇقىقتىق نورمالار ازىرلەندى. بۇل ەرەجەلەر ونلاين-پلاتفورمالار مەن باق تۋرالى زاڭ جوبالارىنا ەنگىزىلىپ, قازىرگى تاڭدا قوعامدىق تالقىلاۋعا ۇسىنىلعان.
اۋستراليادا بالالار 16-عا تولعانشا الەۋمەتتىك جەلىنى قولدانا المايدى
بۇل تالاپتىڭ ورىندالۋىن قاداعالاۋ ءۇشىن مادەنيەت جانە اقپارات مينيسترلىگى وقۋ-اعارتۋ, تسيفرلىق دامۋ جانە جاساندى ينتەللەكت مينيسترلىكتەرىمەن تىزە قوسا قيمىلداماق. ماماندار پايدالانۋشىلاردىڭ ناقتى جاسىن انىقتايتىن ارنايى تەحنولوگيالىق مەحانيزمدەردى جاساپ, قاجەت بولسا تالاپتى بۇزعاندارعا قاتىستى جاۋاپكەرشىلىك ماسەلەسىن قاراستىرادى.
«حالىقتىڭ مەدياساۋاتتىلىعىن ارتتىرۋعا جانە تاۋەلسىز باق-تى قولداۋعا ەرەكشە نازار اۋدارىلادى. بۇل باعىتتا سالالىق جۋرناليستيكانى دامىتۋ كوميسسياسى جانە باسقا دا تەتىكتەر ارقىلى ءتيىستى جۇمىستار جۇرگىزىلۋدە. سونداي-اق ونلاين-پلاتفورمالار مەن باق اراسىنداعى جارناما ءبولۋ جانە كەيبىر تاۋارلاردى جارنامالاۋعا تىيىمدى ءىشىنارا الىپ تاستاۋ مۇمكىندىكتەرى زاڭنامالىق تۇرعىدان قاراستىرىلادى», دەدى ايدا بالاەۆا.
قازاقستاندا بالالارعا الەۋمەتتىك جەلىگە تىركەلۋگە شەكتەۋ ەنگىزىلۋى مۇمكىن