قازگيدرومەت ەلىمىزدىڭ 12 وڭىرىندە كۇن رايىنا بايلانىستى ەسكەرتۋ جاسادى, دەپ جازادى Egemen.kz.
سينوپتيكتەردىڭ بولجامىنشا, 17 قاڭتاردا الماتى وبلىسىنىڭ سولتۇستىگىندە جانە تاۋلى ايماقتارىندا اۋا تەمپەراتۋراسى –25 گرادۋسقا دەيىن تومەندەيدى. قوناەۆ قالاسىندا سولتۇستىك-باتىستان سولتۇستىك-شىعىسقا اۋىساتىن جەل كۇشەيىپ, ەكپىنى كەي ۋاقىتتا سەكۋندىنا 18 مەترگە جەتپەك. الماتىدا تۇنگى ۋاقىتتا قالىڭ قار جاۋى مۇمكىن.
اقتوبە وبلىسىنىڭ وڭتۇستىگى مەن باتىسىندا تۇندە قار جاۋادى. ال سولتۇستىك, شىعىس جانە ورتالىق بولىگىندە جاياۋ بۇرقاسىن بولادى. جەل شىعىستان جانە سولتۇستىك-شىعىستان سوعىپ, ەكپىنى 15–20 م/س, تۇندە كەي جەرلەردە 23 م/س-قا دەيىن جەتەدى. اقتوبە قالاسىندا دا تۇنگى ۋاقىتتا جەل كۇشەيۋى ىقتيمال.
ماڭعىستاۋ وبلىسىندا قار جاۋىپ, كوكتايعاق بولادى. تۇندە وبلىستىڭ وڭتۇستىگىندە قالىڭ قار جاۋادى. سولتۇستىك-شىعىستا جاياۋ بۇرقاسىن, ال باتىسى مەن ورتالىعىندا تۇمان ءتۇسۋى ىقتيمال. اقتاۋدا كوكتايعاق بولادى.
اقتۇتەك بوران, سارشۇناق اياز: دەمالىس كۇندەرى ەلىمىزدە اۋا رايى قانداي بولادى؟
تۇركىستان وبلىسىنىڭ باتىسىندا, سولتۇستىگىندە جانە تاۋلى ايماقتارىندا جاياۋ بۇرقاسىن سوعادى. تۇركىستان قالاسىندا جاڭبىر مەن قار ارالاس جاۋىن-شاشىن, كوكتايعاق, تۇمان جانە بۇرقاسىن بولجانىپ وتىر. شىمكەنتتە دە وسىنداي اۋا رايى ساقتالىپ, تۇندە جاۋىن-شاشىن كۇشەيەدى.
17–18 قاڭتار كۇندەرى تۇندە شىعىس قازاقستان وبلىسىنىڭ سولتۇستىگى مەن شىعىسىندا اسا قاتتى اياز كۇتىلەدى – اۋا تەمپەراتۋراسى –45 گرادۋسقا دەيىن تومەندەيدى.
جەتىسۋ وبلىسىنىڭ سولتۇستىگىندە, ورتالىعىندا جانە تاۋلى اۋداندارىندا تۇندە –25…–27 گرادۋس اياز بولادى. تالدىقورعاندا كوكتايعاق, تۇنگى تەمپەراتۋرا –25…–26 گرادۋسقا دەيىن تومەندەيدى.
اباي وبلىسىنىڭ وڭتۇستىك-باتىسى مەن ورتالىعىندا جەل كۇشەيىپ, ەكپىنى 15–20 م/س بولادى. ال تۇندە وبلىستىڭ سولتۇستىگىندە اياز –40 گرادۋسقا دەيىن جەتەدى.
ۇلىتاۋ وبلىسىنىڭ وڭتۇستىگى مەن ورتالىعىندا تۇمان تۇسەدى. جەل سولتۇستىك-شىعىستان جانە شىعىستان سوعىپ, ەكپىنى 15–20 م/س-قا جەتەدى. جەزقازعاندا دا تۇنگى جانە تاڭعى ۋاقىتتا جەل كۇشەيەدى.
قىزىلوردا وبلىسىنىڭ وڭتۇستىگىندە قار, بوران جانە كوكتايعاق بولادى. جەل ەكپىنى كەي جەرلەردە 23 م/س-قا دەيىن جەتۋى مۇمكىن. قىزىلوردا قالاسىندا دا جەل كۇشەيۋى ىقتيمال.
قاراعاندى وبلىسىنىڭ سولتۇستىگىندە, شىعىسىندا جانە وڭتۇستىگىندە تۇمان تۇسەدى. تۇندە سولتۇستىك-شىعىسىندا اياز –35…–38 گرادۋسقا دەيىن تومەندەيدى.
باتىس قازاقستان وبلىسىندا 17 قاڭتاردا شىعىس جانە سولتۇستىك-شىعىس باعىتتاعى جەل تۇندە كۇشەيىپ, ەكپىنى 15–20 م/س بولادى.
اتىراۋ وبلىسىنىڭ باتىسىندا, وڭتۇستىگىندە جانە شىعىسىندا قار, جاياۋ بۇرقاسىن مەن كوكتايعاق بولادى. شىعىسىندا تۇمان ءتۇسۋى مۇمكىن. اتىراۋ قالاسىندا دا قار جاۋىپ, جەلدىڭ ەكپىنى 15–18 م/س-قا جەتەدى.
سينوپتيكتەردىڭ بولجامىنا سايكەس, الداعى دەمالىس كۇندەرى قازاقستاننىڭ سولتۇستىگى مەن شىعىسىندا اياز كۇشەيىپ, باتىسى مەن وڭتۇستىگىندە قار مەن بوران, جەلدىڭ كۇشەيۋى جانە كوكتايعاق ساقتالادى.