قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆانىڭ تورايىمدىعىمەن ۆەدومستۆولىق جانە وعان تەڭەستىرىلگەن وزگە دە ناگرادالار جونىندەگى گەرالديكالىق كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
جيىندا «قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن كەيبىر مەملەكەتتىك ورگانداردىڭ, قازاقستان رەسپۋبليكاسى كونستيتۋتسيالىق كەڭەسىنىڭ, قۇقىق قورعاۋ ورگاندارىنىڭ, سوتتاردىڭ, قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ۆەدومستۆولىق جانە وعان تەڭەستىرىلگەن وزگە دە ناگرادالارى تۋرالى» قازاقستان رەسپۋبليكاسى پرەزيدەنتىنىڭ 2011 جىلعى 30 قىركۇيەكتەگى №155 جارلىعىنىڭ ورىندالۋى, سونداي-اق, مەملەكەتتىك ورگانداردىڭ قازاقستان رەسپۋبليكاسىنىڭ قارجى جانە ەنەرگەتيكا مينيسترلىكتەرى قىزمەتى سالاسىنداعى ۆەدومستۆولىق ناگرادالاردىڭ اتاۋلارىنا وزگەرىستەر ەنگىزۋ جونىندەگى ۇسىنىستارى تۋرالى ماسەلەلەر قارالدى.
كوميسسيا مۇشەلەرى الدىندا مادەنيەت جانە سپورت مينيسترلىگىنىڭ جاۋاپتى حاتشىسى ق.ءۋاليەۆ, قارجى ۆيتسە-ءمينيسترى ا.تەڭگەباەۆ جانە ەنەرگەتيكا ۆيتسە-ءمينيسترى م.مىرزاعاليەۆ بايانداما جاسادى.
تالقىلاۋ قورىتىندىسى بويىنشا كوميسسيانىڭ ۇسىنىمدارى ازىرلەنىپ, ۋاكىلەتتى مەملەكەتتىك ورگاندارعا تاپسىرمالار بەرىلدى.
گەرالديكالىق كوميسسيا – مەملەكەتتىك ورگانداردىڭ ۆەدومستۆولىق ناگرادالارىنىڭ گەرالديكالىق سيپاتتاماسىن جانە وسى سالا بويىنشا زاڭنامالاردى جەتىلدىرۋ جونىندەگى ۇسىنىستاردى قارايتىن قازاقستان پرەزيدەنتى جانىنداعى كونسۋلتاتيۆتىك-كەڭەسشى ورگان.