استانا. 24 ناۋرىز. ۋكراينانىڭ ەكس-پرەزيدەنتى ۆيكتور يانۋكوۆيچ كەشە كەشكە سەۆاستوپولدە ۇلىن جەرلەۋگە قاتىستى. بۇل تۋرالى وسىنداعى سۆياتو-سەۆاستوپول حرامى قىزمەتشىسىنە سىلتەمە جاساعان «كرىمينفورم» حابارلادى.
«جوقتاۋ كەزىندە كىشى ۆيكتور يانۋكوۆيچتىڭ تۋعان-تۋىستارى, سونىڭ ىشىندە ۋكراينانىڭ بۇرىنعى پرەزيدەنتى ۇلكەن ۆيكتور يانۋكوۆيچ, - بولدى دەدى حرام قىزمەتشىسى. – مارقۇمنىڭ اناسى بولۋى كەرەك, ءبىر ايەل قاتتى جىلادى. تاعى ءبىر كىشكەنتاي بالا ءجۇردى, ول ۇلى سياقتى, تاعى بىرنەشە ادام بولدى, تۋىستارىنا ۇقسايدى».
مانبەنىڭ حابارلاۋىنشا, كىشى يانۋكوۆيچتىڭ دەنەسى ناۋرىزدىڭ 22-نەن 23-نە قاراعان ءتۇنى باۋىرلاستار مەموريالدىق زيراتىنداعى حرامعا جەتكىزىلگەن. قۇدايعا قۇلشىلىق ەتۋ شارالارى ەرتەڭىنە تاڭەرتەڭ جۇرگىزىلگەن.
بۇدان بۇرىن ۆيكتور يانۋكوۆيچتى جەرلەۋ 25 ناۋرىزدا يالتادا جۇرگىزىلەتىنى حابارلانعان بولاتىن.
مۇرات ايتقوجا.