پرەزيدەنت قاسىم-جومارت توقاەۆ «Turkistan» گازەتىنە بەرگەن سۇحباتىندا كولىك جانە لوگيستيكا سالاسىن دامىتۋ قازاقستان ءۇشىن ستراتەگيالىق ماڭىزى بار باسىمدىق ەكەنىن اتاپ ءوتتى, دەپ جازادى Egemen.kz.
پرەزيدەنتتىڭ ايتۋىنشا, تەڭىزگە تىكەلەي شىعاتىن جولى بولماسا دا, قازاقستان ەۋرازيا قۇرلىعىنىڭ ءدال ورتاسىندا, نەگىزگى ترانزيتتىك باعىتتار توعىسقان اۋماقتا ورنالاسقان.
«بۇل – ۇلكەن ارتىقشىلىق, ءبىز ونى ەل يگىلىگىنە جاراتا بىلۋگە ءتيىسپىز. ماقسات-مۇددەمىزگە سايكەس قازاقستاندى ەۋرازيانىڭ كولىك ايلاعى (حابى) رەتىندە قالىپتاستىرۋ – بۇل سالادا اتقارىلاتىن جۇمىستىڭ باستى باعىتى», دەدى قاسىم-جومارت توقاەۆ.
مەملەكەت باسشىسى جۋىردا ىسكە قوسىلعان «دوستىق – مويىنتى» جاڭا تەمىرجول ماگيسترالىنىڭ ماڭىزىن ەرەكشە اتاپ ءوتتى.
«بۇل جوبا وسى جول ارقىلى قىتاي مەن ەۋروپا اراسىندا تاسىمالداناتىن جۇك كولەمىن بەس ەسە ارتتىرۋعا مۇمكىندىك بەرەدى. «مويىنتى – قىزىلجار», «باقتى – اياگوز», «داربازا – ماقتاارال» تەمىرجول جەلىلەرىن جاڭادان ىسكە قوسۋ جوسپارىمىزدا تۇر. جالپى, 2030 جىلعا دەيىن 5 مىڭ شاقىرىم تەمىرجولدى سالىپ, جاڭعىرتۋ جانە 11 مىڭ شاقىرىم تەمىرجولدى جوندەۋ كوزدەلىپ وتىر.
ەلوردا مەن باتىس ايماقتاردىڭ اراسىنداعى قاشىقتىقتى 500-دەن استام شاقىرىمعا قىسقارتاتىن «ورتالىق – باتىس» كۇرە جولى قۇرىلىسىنىڭ ستراتەگيالىق ماڭىزى وتە زور», دەدى پرەزيدەنت.
پرەزيدەنتتىڭ ايتۋىنشا, 2030 جىلعا دەيىن ەلىمىزدە 5 مىڭ شاقىرىم تەمىرجول سالۋ جانە جاڭعىرتۋ, سونداي-اق 11 مىڭ شاقىرىم تەمىرجولدى جوندەۋ كوزدەلگەن.
قاسىم-جومارت توقاەۆ قازاقستاننىڭ شەكارادان تىس اۋماقتاردى قامتيتىن كەڭ اۋقىمدى كولىك جۇيەسىن قالىپتاستىرعانىن اتاپ ءوتتى.
«قازاقستان مۇحيت جولدارىنان تىسقارى تۇرسا دا, سارى تەڭىز بەن قارا تەڭىزدىڭ اراسىندا جۇك تەرمينالدارىنىڭ جەلىسىن قالىپتاستىردى. ەلىمىزدىڭ اۋماعى ارقىلى وتەتىن 12 حالىقارالىق كولىك ءدالىزى, اتاپ ايتقاندا, 5 تەمىر جول, 7 اۆتوكولىك ءدالىزى بار. قىتاي مەن ەۋروپا اراسىندا قۇرلىقپەن جەتكىزىلەتىن جۇكتىڭ شامامەن 85 پايىزى وسى جولدارمەن تاسىمالدانادى», دەدى ول.
قازىرگى تاڭدا ەلىمىزدىڭ اۋماعى ارقىلى 12 حالىقارالىق كولىك ءدالىزى, ونىڭ ىشىندە 5 تەمىرجول جانە 7 اۆتوكولىك باعىتى وتەدى. قىتاي مەن ەۋروپا اراسىنداعى قۇرلىق جۇك تاسىمالىنىڭ شامامەن 85 پايىزى وسى باعىتتار ارقىلى جۇزەگە اسىرىلادى.
توقاەۆ: جەكە ابىرويىمدى ويلاسام, مەن دە بۇل جۇمىستى كەلەسى باسشىلىققا ىسىرا سالار ەدىم
دەگەنمەن, پرەزيدەنت بۇل سالاداعى باسەكەنىڭ كۇشەيىپ كەلە جاتقانىن دا جاسىرمادى.
«كولىك جانە لوگيستيكا گەوساياساتتىڭ اجىراماس بولىگىنە اينالدى. بۇل ماسەلە جوعارى دەڭگەيدەگى كەلىسسوزدەردىڭ كۇن تارتىبىنە ءبىرجولا ەندى», دەدى مەملەكەت باسشىسى.
سۇحباتتا قازاقستاننىڭ ء«بىر بەلدەۋ – ءبىر جول», «سولتۇستىك – وڭتۇستىك» جانە ترانسكاسپي باعىتى – «ورتا ءدالىزدى» دامىتۋعا بەلسەندى قاتىسىپ وتىرعانى ايتىلدى. پرەزيدەنت «رەسەي – قازاقستان – تۇرىكمەنستان – يران» باعىتى ارقىلى تەڭىز پورتتارىنا شىعۋدىڭ بولاشاعى زور ەكەنىن اتاپ ءوتىپ, «ورتا دالىزگە» قىتايدىڭ قوسىلۋىن قولدايتىنىن جەتكىزدى.
توقاەۆ ەكس-پرەزيدەنتتىڭ ماسكەۋگە ساپارى تۋرالى: نە ايتىلعانى ماعان قىزىق ەمەس
قاسىم-جومارت توقاەۆ كولىك-لوگيستيكا سالاسىنىڭ الەۋەتى وتە جوعارى ەكەنىن ايتتى.
«مۇندا تەك ينفراقۇرىلىم تۋرالى ءسوز بولىپ وتىرعان جوق. ەكونوميكانىڭ بارلىق دەرلىك سەكتورى وسى ىرگەلى سالاعا كەلىپ توعىسادى. سوندىقتان, ۇكىمەتتىڭ الدىنا زاماناۋي ينجەنەرلىك جانە سەرۆيستىك ينفراقۇرىلىمى بار كولىك-لوگيستيكا توراپتارىن سالۋ, تەڭىز پورتتارىن, اۋەجايلار مەن تەمىرجول ۆوكزالدارىن جاڭعىرتىپ جوندەۋ, سونداي-اق ءتيىمدى تسيفرلىق ەكوجۇيە قالىپتاستىرۋ مىندەتى قويىلدى», دەدى پرەزيدەنت.
ەسكە سالايىق, بۇگىن قازاقستان پرەزيدەنتى قاسىم-جومارت توقاەۆ «Turkistan» گازەتىنە كەڭ كولەمدى سۇحبات بەردى.