قازاقستاننىڭ بىرقاتار قالاسىندا حقو-لاردىڭ مەكەنجايلارى وزگەرەدى

مالىمەتكە سايكەس, 3 قاڭتاردان باستاپ الماتى, شىمكەنت, سەمەي, اقتوبە, وسكەمەن, ورال, قاراعاندى قالالارىندا, سونداي-اق ۇلىتاۋ وبلىسىندا كەزەكشى حقو مەن مامانداندىرىلعان حقكو-لاردىڭ مەكەنجايلارى جاڭارتىلادى.

ال استانا قالاسىندا وزگەرىستەر 5 قاڭتاردان باستاپ كۇشىنە ەنەدى.

«ازاماتتارعا ارنالعان ۇكىمەت» مەملەكەتتىك كورپوراتسياسى كەزەكشى حالىققا قىزمەت كورسەتۋ ورتالىقتارىنىڭ جۇمىس كەستەسىن ەسكە سالدى. كەزەكشى حقو-لار جۇمىس كۇندەرى ساعات 09:00-دەن 20:00-گە دەيىن, سەنبى كۇندەرى 09:00-دەن 13:00-گە دەيىن قىزمەت كورسەتەدى.

ال كەزەكشى مامانداندىرىلعان حقكو-لاردا جۇمىس كۇندەرى وتىنىشتەر 09:00-دەن 18:00-گە دەيىن قابىلدانىپ, دايىن قۇجاتتار 20:00-گە دەيىن بەرىلەدى. سەنبى كۇندەرى وتىنىشتەر 09:00-دەن 12:00-گە دەيىن قابىلدانىپ, دايىن قۇجاتتار 13:00-گە دەيىن تاپسىرىلادى.