قازاقستاندا اۋا رايىنىڭ كۇرت ناشارلاۋىنا بايلانىستى ماڭىزدى جول ۋچاسكەلەرىندە كولىكتىڭ بارلىق ءتۇرى ءۇشىن شەكتەۋ ەنگىزىلدى. 28 جەلتوقسان كۇنى تاڭەرتەڭ باستالعان بوران مەن كورىنۋ دەڭگەيىنىڭ تومەندەۋى جول قوزعالىسىنا قاۋىپ ءتوندىرىپ تۇر, دەپ حابارلايدى Egemen.kz.
28 جەلتوقسان ساعات 11:40-تاعى اقپارات بويىنشا, رەسپۋبليكالىق ماڭىزى بار تاسجولدىڭ كەلەسى بولىكتەرىندە قوزعالىسقا تىيىم سالىندى:
اتىراۋ وبلىسى: «دوسسور – قۇلسارى – بەينەۋ – سايوتەس – شەتپە – جەتىباي – اقتاۋ» تاسجولىنىڭ دوسسور كەنتىنەن ماڭعىستاۋ وبلىسىنىڭ شەكاراسىنا دەيىنگى بولىگى (3-210 شاقىرىم).
ماڭعىستاۋ وبلىسى: ءدال وسى تراسسانىڭ اتىراۋ وبلىسىنىڭ شەكاراسىنان بەينەۋ اۋىلىنا دەيىنگى ۋچاسكەسى (210-332 شاقىرىم).