اقتاۋ قالاسىندا اۋا رايىنىڭ كۇرت وزگەرۋىنە بايلانىستى كوكتايعاق پايدا بولىپ, قوعامدىق كولىك قوزعالىسى بىرنەشە ساعاتقا توقتاتىلدى, دەپ حابارلايدى Egemen.kz.
بۇگىن تاڭەرتەڭ قالا تۇرعىندارى ايالدامالاردا اۆتوبۋستاردىڭ ۇزاق ۋاقىت كەلمەي تۇرعانىنا جانە قوعامدىق كولىكتىڭ مۇلدە بولماعانىنا شاعىمدانعان.
قالا اكىمدىگىنىڭ مالىمەتىنشە, جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا اۆتوبۋستار قوزعالىسى ساعات 09:00-دەن 11:00-گە دەيىن ۋاقىتشا توقتاتىلعان.
«اۋا رايىنىڭ كۇرت وزگەرۋىنە بايلانىستى, جولاۋشىلار قاۋىپسىزدىگىن قامتاماسىز ەتۋ ءۇشىن قوعامدىق كولىك قوزعالىسىن ۋاقىتشا توقتاتۋعا ءماجبۇر بولدىق. قازىرگى ۋاقىتتا اۆتوبۋستار بەكىتىلگەن كەستەگە سايكەس قايتا قاتىناپ جاتىر», دەپ مالىمدەدى اقتاۋ قالاسىنىڭ اكىمدىگى.
قازىرگى ۋاقىتتا اقتاۋ قالاسىندا قوعامدىق كولىك جۇمىسى شتاتتىق رەجيمگە كوشىرىلگەن.