«بارىس» «امۋردان» ۇتىلىپ قالدى

وسىعان دەيىن «بارىس» استانادا وتكەن ءۇش كەزدەسۋدىڭ ۇشەۋىندە دە ۇتىلعان ەدى. اتاپ ايتساق, «سوچيگە» (1:5), «تراكتورعا» (0:2) جانە «اۆتوموبيليستكە» (1:4) ەسە جىبەردى.

بۇل جولى جەرلەستەرمىز «امۋرگە» قارسى وينادى. باسەكە باستالعان بەتتە ويىن تىزگىنىن قولعا العان حاباروۆسكىدەن كەلگەن حوككەيشىلەر قاتارىنان ءۇش شايبانى قاقپامىزعا توعىتتى. تەك 40 مينۋتتا ءاليحان اسەتوۆتىڭ پاسىنان كەيىن كيريلل پانيۋكوۆ گول سوعا الدى. بىراق ودان ارىگە ەلوردالىقتاردىڭ شاماسى جەتپەدى. ماتچتىڭ اياقتالۋىنا ءبىر مينۋتتاي ۋاقىت قالعاندا قوناقتار تاعى ءبىر مارتە نىسانانى ءدال كوزدەپ, سوڭعى نۇكتەنى قويدى. ەسەپ – 1:4. 

جارىس كەستەسىندەگى جاعدايىن ودان ءارى قيىنداتىپ العان «بارىس» ەندى كەلەسى كەزدەسۋىن 30 جەلتوقساندا ومبىدا جەرگىلىكتى «اۆانگارد» كلۋبىنا قارسى وتكىزەدى.