رەسەي فەدەراتسياسىندا اقتاۋ ماڭىندا قۇلاعان AZAL اۋە كومپانياسىنىڭ ۇشاعىنا قاتىستى قوزعالعان قىلمىستىق ءىس توقتاتىلدى. بۇل شەشىمگە ازەربايجان تاراپى قاتاڭ رەاكتسيا ءبىلدىردى, دەپ حابارلايدى Egemen.kz.
Minval باسىلىمى جازعانداي, ازەربايجان رەسپۋبليكاسىنىڭ سىرتقى ىستەر ءمينيسترى دجەيحۋن بايراموۆ رەسەي فەدەراتسياسى تەرگەۋ كوميتەتىنىڭ توراعاسى الەكساندر باسترىكين جولداعان قىلمىستىق ءىستى توقتاتۋ تۋرالى حات باكۋ ءۇشىن كۇتپەگەن جاعداي بولعانىن ايتتى.
ءمينيستردىڭ ايتۋىنشا, ازەربايجان تاراپى بۇل ماسەلەگە قاتىستى ءوز ۇستانىمىن رەسمي تۇردە جەتكىزگەن. باكۋ تەرگەۋ ءىسى سوڭىنا دەيىن جەتكىزىلەدى دەپ ۇمىتتەنەدى. بۇل رەسەي پرەزيدەنتى بۇرىن دۋشانبە قالاسىندا وتكەن كەلىسسوزدەر بارىسىندا ايتقان مالىمدەمەلەرگە ساي كەلۋى ءتيىس.
ء«بىزدىڭ كۇتكەنىمىز – ەكى ەل باسشىلارى اراسىنداعى كەلىسسوزدەر بارىسىندا قول جەتكىزىلگەن ۋاعدالاستىقتارعا ساي پروتسەستىڭ تولىق اياقتالۋى», دەدى دجەيحۋن بايراموۆ.
سونىمەن قاتار AZAL ۇشاعىنىڭ ماڭعىستاۋ وبلىسىندا اپاتقا ۇشىراعانىنا ءبىر جىل تولۋىنا وراي قازاقستان رەسپۋبليكاسىنىڭ كولىك مينيسترلىگى «ارالىق حابارلاما» دەپ اتالعان ماتەريال جاريالادى. قۇجات اۋە اپاتىنىڭ ءبىر جىلدىعىنا وراي دايىندالعان.
كولىك مينيسترلىگى AZAL ۇشاعىنىڭ قارا جاشىگى تۋرالى ايتتى
حابارلامادا ماماندار ەكيپاجعا قاتىستى دەرەكتەردى, ۇشۋ پارامەترلەرىن, اۋا رايى جاعدايىن جانە اۋە كەمەسىنىڭ تەحنيكالىق جاي-كۇيىن زەرتتەگەنى كورسەتىلگەن. ساراپتامالار ناتيجەسىندە جارىلعىش زاتتاردىڭ ىزدەرى انىقتالماعان.