قىتاي استاناسى بەيجىڭدە گۋمانويدتى روبوتتاردى دايارلاۋعا ارنالعان ەلدەگى ەڭ ءىرى ورتالىق جۇمىسىن باستادى. بۇل كەشەن «روبوتتار مەكتەبى» دەپ اتالادى.
مۇندا ماشينالار ءوندىرىس ورىندارى مەن تۇرمىستىق ورتاعا جىبەرىلەر الدىندا كەشەندى دايىندىقتان وتەدى. ورتالىقتا زاۋىت تسەحتارى مەن تۇرعىن ءۇي كەڭىستىكتەرىنە ۇقساس زەرتحانالار جاسالعان. وسىنداي ورتادا روبوتتار كۇندەلىكتى جانە وندىرىستىك مىندەتتەردى ورىنداۋدى ۇيرەنەدى. اتاپ ايتقاندا, ولارعا سالەمدەمەلەردى سۇرىپتاۋ, زاتتاردى تاسىمالداۋ, تاماق ءپىسىرۋ سياقتى تاپسىرمالار بەرىلەدى. جوبانىڭ ماقساتى – گۋمانويدتى روبوتتاردى ونەركاسىپكە دە, تۇرمىستىق كەڭىستىككە دە جاپپاي ەنگىزۋ.