«وسكار» سىيلىعىن تاپسىرۋ ءراسىمى 2029 جىلى وتەتىن 101-ءشى سالتاناتتى كەشتەن باستاپ 2033 جىلعا دەيىن YouTube تاراپىنان تەگىن كورسەتىلەدى. بۇعان دەيىن ترانسلياتسيا قۇقىقتارى ABC تەلەارناسىنا تيەسىلى بولعان, الايدا تەلەارنا مەن كينواكادەميا اراسىنداعى كەلىسىم 2028 جىلى اياقتالادى ەكەن, دەپ جازادى Egemen.kz.
كەلىسىم تاراپتارى سىيلىقتىڭ جاڭا پلاتفورماعا اۋىسۋى «وسكار» ءراسىمىن الەمدىك اۋديتوريا ءۇشىن قولجەتىمدىرەك ەتەدى دەپ ۇمىتتەنەدى.
كينوونەر جانە عىلىم اكادەمياسى YouTube-پەن كەلىسىمشارت جاساپ, وعان «وسكار» ءراسىمىن الەم بويىنشا ەكسكليۋزيۆتى تۇردە تاراتۋ قۇقىعىن بەردى. بۇل تۋرالى اكادەميانىڭ باس ديرەكتورى بيلل كرامەر مەن اكادەميا پرەزيدەنتى لينەتت حاۋەلل تەيلوردىڭ بىرلەسكەن مالىمدەمەسىندە ايتىلعان.
ء«بىز YouTube-پەن كوپجاقتى جاھاندىق ارىپتەستىك ورناتقانىمىزعا وتە قۋانىشتىمىز. ول الداعى ۋاقىتتا «وسكار» سىيلىعىن تاپسىرۋ راسىمىنىڭ جانە اكادەميانىڭ جىل بويى وتەتىن باعدارلامالارىنىڭ جاڭا ورنى بولادى», دەلىنگەن مالىمدەمەدە.