ۇلىتاۋ وبلىسىنىڭ كەڭگىر اۋىلىندا كوگىلدىر وتىندى رەسمي ىسكە قوسۋ ءراسىمى ءوتتى. اتالعان ماڭىزدى ينفراقۇرىلىمدىق جوبا ناتيجەسىندە ەلدى مەكەندەگى 442 تۇرعىن ءۇي مەن جەتى الەۋمەتتىك نىسان تابيعي گازعا قوسىلۋ مۇمكىندىگىنە يە بولدى. ۇزىندىعى 25 شاقىرىمدى قۇرايتىن گاز تاراتۋ جەلىلەرىنىڭ قۇرىلىسى بيىلعى ءساۋىر ايىندا باستالىپ, قىسقا مەرزىمدە تولىق اياقتالدى, دەپ حابارلايدى Egemen.kz.
سونىمەن قاتار, كەڭگىر اۋىلى تۇرعىندارىنا ەسقۇلا جەر استى سۋ كوزىنەن تازا اۋىز سۋ بەرىلدى.
ۇلىتاۋ وبلىسىنىڭ اكىمى داستان رىسپەكوۆ جەرگىلىكتى حالىقتى قۋانىشتى جاڭالىقپەن قۇتتىقتاپ:
«قازىرگى ۋاقىتتا گازداندىرۋ جوباسى اياسىندا جەزقازعان جانە قاراجال قالالارىندا, سونداي-اق اتاسۋ مەن جايرەم كەنتتەرىندە قۇرىلىس-مونتاجداۋ جۇمىستارى جۇرگىزىلىپ جاتىر. ال ۇلىتاۋ اۋىلى, جەزدى كەنتى جانە ساتباەۆ قالاسى بويىنشا جوبالىق-سمەتالىق قۇجاتتامالار مەملەكەتتىك ساراپتاماعا ەنگىزىلدى. كوگىلدىر وتىن وڭىرىمىزدەگى ەكولوگيالىق احۋالدى جاقسارتىپ, تۇرعىنداردىڭ ءومىر ءسۇرۋ ساپاسىن ارتتىرۋعا مۇمكىندىك بەرەدى», دەپ اتاپ ءوتتى وبلىس اكىمى.
ۇلىتاۋ وبلىسىندا 2030 جىلعا دەيىنگى وڭىرلىك سحەما شەڭبەرىندە توعىز ەلدى مەكەندى تابيعي گازبەن قامتاماسىز ەتۋ جوسپارلانعان.
جاقىندا ۇكىمەتتىڭ قولداۋىمەن قاراجال قالاسى مەن جايرەم كەنتىن گازداندىرۋعا قوسىمشا 2,4 ملرد. تەڭگە ءبولىندى.
جوسپارلانعان ينفراقۇرىلىمدىق جوبالاردىڭ جۇزەگە اسۋى تۇرعىنداردىڭ ءومىر ءسۇرۋ ساپاسىن ارتتىرىپ قانا قويماي, ءوڭىردىڭ الەۋمەتتىك-ەكونوميكالىق دامۋىنا سەرپىن بەرەدى.
ۇلىتاۋ وبلىسى