مەملەكەتتىك كەڭەسشى ەرلان قاريننىڭ توراعالىعىمەن جالپىۇلتتىق قۇندىلىقتارعا نەگىزدەلگەن «ادال ازامات» تاربيە باعدارلاماسىنىڭ جۇزەگە اسىرىلۋى جونىندە جيىن ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
باسقوسۋعا وقۋ-اعارتۋ ءمينيسترى جۇلدىز سۇلەيمەنوۆا, بالا قۇقىقتارى جونىندەگى ۋاكىل دينارا زاكيەۆا, ى.التىنسارين اتىنداعى ۇلتتىق ءبىلىم اكادەمياسىنىڭ جانە باسقا دا مەكەمەلەردىڭ باسشىلارى قاتىسىپ, بايانداما جاسادى.
ەرلان قارين ءبىلىم بەرۋ ۇيىمدارىنداعى تاربيە جۇمىسىنىڭ تيىمدىلىگىن ارتتىرۋ ءۇشىن قولدانىستاعى تاسىلدەردى جەتىلدىرۋدىڭ وزەكتى ەكەنىنە نازار اۋداردى. بۇل رەتتە «ادال ازامات» باعدارلاماسى ءبىلىم بەرۋ مەكەمەلەرىن, سونىڭ ىشىندە جەكەمەنشىك مەكتەپتەردى دە تولىق قامتۋعا ءتيىس.
مەملەكەتتىك كەڭەسشى ۆەدومستۆولار اراسىنداعى تىعىز بايلانىس پەن ۇستازداردى ادىستەمەلىك تۇرعىدان تۇراقتى تۇردە سۇيەمەلدەۋ تاربيە جۇمىسىنىڭ ساپاسىن ارتتىراتىنىن ايتتى. سونداي-اق بۇل ىسكە اتا-انالار قاۋىمداستىعىن جۇمىلدىرۋدىڭ ماڭىزىنا توقتالدى.
ەرلان قارين اتالعان مىندەتتەردى ۇتىمدى ۇيىمداستىرۋ ماقساتىندا وقۋ-اعارتۋ مينيسترلىگىنە ناقتى تاپسىرمالار بەردى.