اقتوبەدە 20 مەملەكەتتىڭ وكىلدەرىنىڭ قاتىسۋىمەن وتكەن «AQTOBE INVESTMENT FORUM – 2025» جيىنىندا جاھاندىق وزگەرىستەر جاعدايىنداعى ايماقتىڭ الەۋمەتتىك-ەكونوميكالىق دامۋى, ينۆەستيتسيالىق ساياسات, ينۆەستورلاردى قولداۋ شارالارى, ەۋرازيالىق ەكونوميكالىق وداق, ەۋروپا مەن ازياداعى سەرىكتەستەرمەن ىنتىماقتاستىق باعىتتارى تالقىلاندى, دەپ جازادى Egemen.kz.
قوناقتارعا ء وڭىردىڭ ينۆەستيتسيالىق الەۋەتى تانىستىرىلىپ, جەرگىلىكتى تاۋار وندىرۋشىلەردىڭ كورمەسى جانە ء ىرى وندىرىستىك نىساندارعا تۋر ۇيىمداستىرىلدى. ءىس-شارا بارىسىندا 427 ملرد تەڭگەنى قۇرايتىن 17 مەموراندۋم مەن كەلىسىمگە قول قويىلدى. ولاردىڭ قاتارىندا حرومتاۋ اۋدانىندا سالىناتىن 100 مۆت-تىق جەل ەلەكتر ستانتسياسى (SUNGROW, قىتاي), ستگ زاۋىتى (Condor Energies, كانادا) جانە سۋسىن شىعاراتىن كاسىپورىن (Coca-Cola Almaty Bottlers, تۇركيا), مەتالل بۇيىمدارى زاۋىتى ( قىتاي), اگروونەركاسىپتىك كلاستەر (Harvest Agro Holding, شۆەيتساريا), قۋاتى 180 مۆت ەلەكتر ستانتسياسىنىڭ قۇرىلىسى (MUREL, تۇركيا) بار. جيىن سوڭىندا قۇرىلىپ جاتقان «اقتوبە ەكونوميكالىق ايماعىنىڭ باسقارۋشى كومپانياسى «گانتسيۋانباو» ەكونوميكالىق ايماعىمەن ء(ۇرىمشى, قىتاي) ىنتىماقتاستىق تۋرالى كەلىسىمگە قول قويىلدى.
ء «بىز ارقاشان ۇزاقمەرزىمدى جانە ءوزارا ءتيىمدى ىنتىماقتاستىقتى قولدايمىز. اقتوبە وبلىسى گەوگرافيالىق ورنالاسۋى جاعىنان قولايلى, بارلىق كولىك ينفراقۇرىلىمدارى جاقسى دامىعان, تابيعي رەسۋرستارعا باي ءارى بىلىكتى كادرلارىمەن ەرەكشەلەنەدى. وڭىردە 19 مىڭنان استام كاسىپورىن تىركەلگەن. قۇرىلىپ جاتقان ارنايى ەكونوميكالىق ايماعى, اگروونەركاسىپتىك كەشەندەگى جوبالار ءوڭىردى ينۆەستيتسيا ءۇشىن ەرەكشە تارتىمدى ەتەدى. جىل باسىنان بەرى اقتوبە وبلىسىنا 892 ميلليارد تەڭگە ينۆەستيتسيا تارتىلعان. بيىل جالپى قۇنى 110 ميلليارد تەڭگەدەن اساتىن سەگىز جوبا جۇزەگە اسىرىلدى, ونىڭ ىشىندە جاڭارتىلاتىن ەنەرگيا كوزدەرىنىڭ ءىرى نىسانى ىسكە قوسىلدى», دەپ اتاپ كورسەتتى ءوڭىر باسشىسى اسحات شاحاروۆ.
حالىقارالىق جيىندا ءسوز العان اۆستريانىڭ قازاقستانداعى توتەنشە جانە وكىلەتتى ەلشىسى اندرەا باحەر اۆستريا مەملەكەتىنىڭ 400-دەن استام كومپانياسى قازاقستانمەن بايلانىس ورناتقانىن, اسىرەسە, ترانسكاسپي حالىقارالىق كولىك ءدالىزىن دامىتۋعا ىقىلاستى بولىپ وتىرعانىن حابارلادى. «اۆستريا –ەكسپورتقا باعىتتالعان ەل. ەلدەگى 10 ەۆرونىڭ التاۋى تاۋارلار مەن قىزمەت كورسەتۋ ەكسپورتىنان كەلەدى. 2024 جىلى اۆستريا مەن قازقستان اراسىنداعى تاۋار اينالىمى رەكوردتىق دەڭگەيگە جەتىپ, 2,8 ملرد ەۆرونى قۇرادى. بيىلعى جىلدىڭ 9 ايىندا دا وسى كورسەتكىشتىڭ 11%-عا وسكەنى بايقالادى», دەدى ەلشى اندرەا باحەر.
اقتوبە وبلىسى.