الماتىدا سەزىلگەن جەر سىلكىنىسىنەن كەيىن عىلىمي سەيسمولوگيا ورتالىعىنىڭ كوميسسياسى قايتالاما تولقۋلاردىڭ ىقتيمالدىعىنا قاتىستى ارنايى جيىن وتكىزىپ جاتىر, دەپ حابارلايدى Egemen.kz.
«قايتالاما تولقۋلارعا قاتىستى عىلىمي سەيسمولوگيا ورتالىعىنىڭ كوميسسياسى جيىن وتكىزىپ جاتىر. ونىڭ ناتيجەسى بويىنشا سەيسمولوگتار بولجامدىق كوميسسيانىڭ قورىتىندىسىن جاريالايدى», دەلىنگەن حابارلامادا.
حابارلانعانداي, بەلگىلەنگەن ءوزارا ءىس-قيمىل الگوريتمىنە سايكەس بارلىق ءتيىستى مەملەكەتتىك ورگاندارعا جەدەل تۇردە حابار بەرىلگەن. قالادا ىقتيمال زاقىمدانۋلار مەن بۇزىلۋلاردى انىقتاۋ, سونداي-اق, ءومىردى قامتاماسىز ەتۋ نىساندارىنىڭ جۇمىس ىستەۋىنە مونيتورينگ جۇرگىزىلىپ جاتىر.
جەر سىلكىنىسىنەن كەيىن قالادا تجم پسيحولوگتارى جۇمىس ىستەيتىن «جەدەل جەلى» اشىلدى.
بۇعان دەيىن, الماتىدا 4 جەلتوقسان ساعات 12:45 شاماسىندا جەر سىلكىنگەنىن حابارلاعان ەدىك.
قالالىق اكىمدىك بارلىق حابارلاندىرۋ جۇيەلەرى شتاتتىق رەجيمدە جۇمىس ىستەگەنىن اتاپ ءوتتى. تۇرعىندارعا Mass Alert جۇيەسى ارقىلى ەسكەرتۋ جولدانىپ, قالاداعى دابىل جۇيەلەرى ىسكە قوسىلعان. ساۋدا ورتالىقتارىندا, قوعامدىق ورىنداردا, مەكتەپتەر مەن كوللەدجدەردە ەۆاكۋاتسيا جۇرگىزىلگەن.