جامبىل وبلىسىنىڭ اكىمى ەربول قاراشوكەەۆ فۋتبول اكادەمياسىنىڭ ىرگەتاسىنا كاپسۋلا سالۋ راسىمىنە قاتىسىپ, بۇل جوبانىڭ ءوڭىر سپورتى ءۇشىن ماڭىزىن اتاپ ءوتتى, دەپ حابارلادى Egemen.kz.
«بۇگىن – ءبىز ءۇشىن تاريحي ءارى قۋانىشتى كۇن. اۋليەاتا جەرىندە جاڭا فۋتبول ءداۋىرىنىڭ باستالۋىن بىرگە كۋا بولىپ وتىرمىز. جاڭا نىسان ءجاي عيمارات ەمەس, بولاشاق چەمپيونداردىڭ ورداسى, ەل نامىسىن الەمدىك ارەنالاردا ابىرويمەن قورعايتىن جاڭا بۋىن فۋتبولشىلاردىڭ جولىن اشاتىن ماڭىزدى قادام.
ءبىزدىڭ ءوڭىر – قازاق فۋتبولىنىڭ قاينار بۇلاعى. وسىندا ءوسىپ, تالاي جانكۇيەردىڭ جۇرەگىن جاۋلاعان داڭقتى سپورتشىلاردىڭ ەسىمى ءبىز ءۇشىن زور ماقتانىش, كەيىنگى تولقىنعا ۇلگى. بۇگىن كاپسۋلانى سالتاناتتى تۇردە ورنالاستىرۋ – الدا كۇتكەن ۇلكەن جەتىستىكتەردىڭ نىشانى. بۇل اكادەميادان ەل سەنىمىن ارقالايتىن دارىندى, تالاپتى جاس فۋتبولشىلار ءوسىپ شىعاتىنىنا كامىل سەنەمىز. جاڭا اكادەميا قازاق فۋتبولىنا تىڭ سەرپىن بەرىپ, ءبىزدى جاڭا بەلەستەرگە باستاي بەرسىن», دەيدى ەربول قاراشوكەەۆ.
قازاقستان فۋتبول فەدەراتسياسىنىڭ باس حاتشىسى داۆيد لوريا جانە «Halyk» قايىرىمدىلىق قورىنىڭ اتقارۋشى ديرەكتورى عالىمبەك جاقسىلىقوۆ جاڭا اكادەميانىڭ قازاق فۋتبولىن دامىتۋداعى رولىنە تۋرالى ءوز ويلارىمەن ءبولىستى. سونداي-اق فۋتبول ارداگەرى گەورگي حۋتيدي مەن «تاراز» فۋتبول كلۋبىنىڭ تۇلەگى, بەلگىلى فۋتبولشى نۇركەن مازباەۆ جوبانى ىسكە اسىرۋعا اتسالىسىپ جۇرگەن ازاماتتارعا ءوز العىس ايتتى
قۇنى شامامەن 3,5 ملرد تەڭگەنى قۇرايتىن فۋتبول اكادەمياسىندا جاسوسپىرىمدەردىڭ كاسىبي ءوسۋى مەن دامۋىنا ەرەكشە نازار اۋدارىلماق. بۇل ءۇشىن زاماناۋي ماتەريالدىق بازا جاساقتالىپ, تاجىريبەلى جاتتىقتىرۋشىلار جۇمىس ىستەيدى, ال وقۋ-جاتتىعۋ پروتسەسىندە عىلىمي نەگىزدەلگەن ادىستەمەلەر قولدانىلماق. جاس فۋتبولشىلاردىڭ جايلى ءومىر ءسۇرۋى ءۇشىن 100 ورىندىق جاتاقحانا سالۋ جوسپارلانىپ وتىر. اكادەميا 2027 جىلى پايدالانۋعا بەرىلەدى دەپ كۇتىلۋدە.