شابىت – ەلىمىزدەگى ەڭ ءىرى مادەني جوبالاردىڭ ءبىرى. الەمنىڭ تۇكپىر-تۇكپىرىنەن كەلگەن تالانتتى جاس ارتىستەردى, سۋرەتشىلەر مەن اقىنداردى توعىستىراتىن بۇل فەستيۆال دارىندى جاستاردى قولداۋدى, كاسىبي شەبەرلىكتى شىڭداۋدى جانە ۇلتتىق ءارى الەمدىك مادەنيەتتى كەڭىنەن ناسيحاتتاۋدى كوزدەيدى. استانادا وتكەن XXVIII حالىقارالىق بايقاۋعا بيىل قازاقستاننىڭ بارلىق وڭىرىنەن جانە شەتەلدەردەن كەلگەن 800-دەن اسا جاس شىعارماشىل تۇلعا قاتىستى, دەپ جازادى Egemen.kz.
فەستيۆال باعدارلاماسى شەتەلدىك جانە وتاندىق مامانداردىڭ دارىستەرىن, ونەرپازداردىڭ شىعارماشىلىق لابوراتورياسىن, قالا تۇرعىندارى مەن قوناقتارىنا ارنالعان كونتسەرتتىك باعدارلامالاردى قامتىدى. بۇل الاڭ جاس ونەرپازداردىڭ كاسىبي تاجىريبەسىن ارتتىرىپ, جاڭا مۇمكىندىكتەرگە جول اشتى.
سونىمەن بايقاۋ قورىتىندىسانا سايكەس, ءار نوميناتسيادان تومەندەگى ونەرپازدار جەڭىمپاز اتاندى:كامەرالىق حور باعىتىندا تاتارستان رەسپۋبليكاسى مەملەكەتتىك كامەرالىق حورى گران-پري يەگەرى اتاندى. 1-ورىن – ع.جۇبانوۆا اتىنداعى اقتوبە وبلىستىق فيلارمونياسىنىڭ قازاق كامەرالىق حورى 2-ورىن – قازۇوۋ «ارالاس حورى» 3-ورىن – «الاتاۋ» جاستار حورى
حور ديريجەرى نوميناتسياسىندا گران-پري – مۋسين داۋرەنگە بۇيىردى. ءى ورىن – سانسىزباي ەرجان, ءىى ورىن – ەسىمحانوۆ المات, ءىىى ورىن – دجان دجيان.
اكادەميالىق ءان جانە كونتسەرتمەيستەرلىك شەبەرلىك باعىتىندا گران-پري راحمەتوۆا فيرۋزا مەن شىنبولات اياجانعا تاپسىرىلدى. ءبىرىنشى ورىن – الامانوۆا ليايلا, ابدراحمانوۆا دينارا; ەكىنشى ورىن – ساماتقىزى نۇرسەزىم, ومارگازين نۇرسۇلتان; ءۇشىنشى ورىن – ەربولات ۇلى بەكۇلان مەن ۋلتاراكوۆ دوسىم.
كامەرالىق مۋزىكا بويىنشا گران-پري العي اقبيكە مەن ۋزبەكوۆ يلياسقا بەرىلدى. بۇدان بولەك, بىرقاتار جاس ورىنداۋشىلار ءبىرىنشى, ەكىنشى جانە ءۇشىنشى ورىنداردى ءبولىستى.
فولكلورلىق انسامبلدەر اراسىندا گران-پري «تارلان» ەتنو انسامبلىنە تابىستالدى. 1-ورىن – «تۇركىستان», 2-ورىن – «دوستىق سازى», 3-ورىن – «تارتۋ» انسامبلدەرى.
ەسترادالىق ۆوكالدا Triو Moonaisun گران-پريگە يە بولدى. I ورىن – ءTrىo MIYA3, II ورىن – ءTrىo Altyn ún, III ورىن – Trio «ەسترادا».
بەينەلەۋ ونەرى مەن پوەزيا, كرەاتيۆتى يندۋستريا باعىتتارىندا دا ەڭ ۇزدىك جاس ونەرپازدار انىقتالدى. پوەزيا اتالىمىندا گران-پري يەگەرى – داۋرەن تىلەۋحان, كرەاتيۆتى باعىتتا – قامزا بوكەيحان.
فەستيۆالدىڭ جۇلدە قورى دا ايتارلىقتاي: گران-پري — 3 000 000 تەڭگە, I ورىن — 1 000 000 تەڭگە, II ورىن — 750 000 تەڭگە, III ورىن — 500 000 تەڭگە.
شيرەك عاسىرعا جۋىق تاريحى بار «شابىت» فەستيۆالى وسى ۋاقىت ارالىعىندا مىڭداعان تالانتتى جاستىڭ قالىپتاسۋىنا جول اشىپ, ولاردىڭ كاسىبي بيىكتەرگە كوتەرىلۋىنە ىقپال ەتتى. بيىلعى بايقاۋ دا شىعارماشىلىقتىڭ سان الۋاندىعىن جانە جاس دارىنداردىڭ جوعارى الەۋەتىن ايقىن كورسەتتى.
فەستيۆالدى مادەنيەت جانە اقپارات مينيسترلىگى, استانا قالاسى اكىمدىگى, «مادەني ءىس-شارالاردى وتكىزۋ ديرەكتسياسى» جانە كۇلاش بايسەيىتوۆا اتىنداعى قازاق ۇلتتىق ونەر ۋنيۆەرسيتەتى ۇيىمداستىردى.