استانا. 22 ناۋرىز. بۋرياتيانىڭ استاناسى – ۋلان-ۋدە قالاسىنا جاقىن جەردەگى ءبىر سەلونىڭ تۇرعىندارىنا ازەربايجاننان كەلگەن 30 ادام تىنىشتىق بەرەتىن ەمەس. بۇل تۋرالى رەسەي باق-تارى دەرەگىنە سۇيەنگەن haqqin.az حابارلادى.
ۋلان-ۋدە قالاسى اكىمدىگى جەتەكشىسىنىڭ ورىنباسارى پەتر موردوۆسكوي وسىندا تۇرىپ جاتقان 30-دان اسا ازەربايجان ازاماتتارىنىڭ جاان-جاعىنا تىنىشتىق بەرمەي كەلە جاتقانىنا ءبىراز بولعانىن حاباردار ەتتى.
بۇعان دەيىن ازەربايجان تۋمالارىنىڭ سەلو تۇرعىندارىن قورقىنىش پەن ۇرەيدە ۇستاپ وتىرعاندارىن تەك رەسمي تۇلعالار بىلەتىن ەدى, ەندى كۇللى ەلگە جايىلدى. دابىلدى بۋراتيا اكىمشىلىگى جەتەكشىسىنىڭ ورىنباسارى موردوۆسكويگە تىكەلەي شىققان سەلو باسشىسى قاقتى. ال شاعىمدى قابىلداپ العان لاۋازىم يەسى بۇل تۋرالى قۇقىق قورعاۋ ورگاندارىنا جەتكىزدى.
«بۇدان ءبىر اي الدىن ماعان سونداعى سەلولاردىڭ ءبىرىنىڭ باسشىسى كەلىپ, جاعدايدى ايتىپ بەردى. بىراق ول سول ەلدى مەكەننەن ەمەس, كورشى اۋداننان. ول بۇل سەلوعا ۇلتى ازەربايجان ازاماتتاردىڭ شوعىرلانىپ جاتقانىن جەتكىزدى. بارلىعى 30-دان استام ادام», - دەپ مالىمدەدى پەتر موردوۆسكوي.
ونىڭ ايتۋىنشا, ازەربايجاننان كەلگەن قاۋىمداستىق مۇشەلەرى بۇكىل سەلونى ءوز قول استىلارىنا الىپ, مۇندا قىلمىستىق ىستەرمەن اينالىسۋدا. الايدا, ازەربايجانداردىڭ بۇل ارەكەتتەرىن جەرگىلىكتى تۇرعىندار قۇزىرلى ورگاندارعا جەتكىزە قويماعان. شاماسى, ولاردان قورىققان سياقتى. ءتىپتى سەلو باسشىسى دا بۇل قىزمەتكە جاقىندا تاعايىندالعاندىقتان عانا بۇل پروبلەمانى اشىپ بەرگەنگە ۇقسايدى.
«بىرىنشىدەن, ەسىرتكى ساۋداسىمەن اينالىسقان, ەكىنشىدەن, ۇرىلاردىڭ سالتىن ۇستانعان. سەلو باسشىسى بۇل پروبلەمانى ءبىر ءوزى شەشە المايدى. ونىڭ سەلودا ءوز ماگازينى بولعان», - دەدى موردوۆسكوي.
مۇرات ايتقوجا.