اقوردادا مەملەكەت باسشىسى نۇرسۇلتان نازارباەۆ رەسەي فەدەراتسياسىنىڭ پرەزيدەنتى دميتري مەدۆەدەۆپەن كەزدەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ بارىسىندا مەملەكەت باسشىلارى قازاقستان-رەسەي ساۋدا-ەكونوميكالىق جانە مادەني-گۋمانيتارلىق ىنتىماقتاستىعىن ودان ءارى دامىتۋ پەرسپەكتيۆاسىن تالقىلادى.
نۇرسۇلتان نازارباەۆ رەسەيلىك ارىپتەسىنە قازاقستاننىڭ ەلورداسى – استانا كۇنىنە بايلانىستى سالتاناتقا تىكەلەي قاتىسۋعا كەلگەندىگى ءۇشىن ريزاشىلىعىن ءبىلدىردى. قازاقستاندا ەلوردا كۇنىنە بايلانىستى قازاقستاندىقتاردىڭ قۋانىشىن وزدەرىمەن بىرگە ەڭ سەنىمدى جانە شىنايى دوستارى اتاپ وتەتىنىن باعالايدى.
– ەكى ەل اراسىنداعى قارىم-قاتىناس سىندارلى دامۋدا. قازاقستاندا رەسەيدىڭ كومەگىمەن جوبالىق جالپى قۇنى 700 ميلليون دوللاردى قۇرايتىن ەكىباستۇز گرەس-2-ءنى قايتا قۇرىلىمداۋ جوسپارلانۋدا. اتوم ەنەرگەتيكاسىنداعى ىنتىماقتاستىق تا دامۋدا, قازاقستاندا رەسەيلىك تەحنولوگيا بويىنشا بىرلەسكەن كاسىپورىن قۇرۋ, سونداي-اق اەس قۇرىلىسى جوسپارلانعان, – دەدى نۇرسۇلتان نازارباەۆ.
تاراپتار سونداي-اق بيىلعى جىلى كۇزدە وتەتىن قازاقستان مەن رەسەي شەكارالىق ىنتىماقتاستىعىنىڭ ءداستۇرلى فورۋمى اياسىنداعى الداعى كەزدەسۋلەرگە ازىرلىك بارىسىن تالقىلادى.
كەزدەسۋدىڭ قورىتىندىسى بويىنشا “ەكىباستۇز گرەس-2-ءنىڭ №3 ەنەرگيا بلوگىن ورناتا وتىرىپ, كەڭەيتۋ جانە قايتا قۇرىلىمداۋ” جوباسىن قارجىلاندىرۋ ءۇشىن نەسيەلىك كەلىسىمگە قول قويىلدى.
* * *
اقوردادا ەلىمىزدىڭ پرەزيدەنتى نۇرسۇلتان نازارباەۆ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن كەزدەسۋ وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ بارىسىندا ەكى مەملەكەتتىڭ باسشىلارى ەكى جاقتى ساۋدا-ەكونوميكالىق ىنتىماقتاستىقتىڭ كەڭ اۋقىمدى ماسەلەلەرىن تالقىلادى. نۇرسۇلتان نازارباەۆ اتاپ وتكەندەي, بەلارۋس قازاقستان ءۇشىن ماڭىزدى ارىپتەستىڭ ءبىرى بولىپ تابىلادى.
نۇرسۇلتان نازارباەۆ قازاقستان مەن بەلارۋس اراسىنداعى ءوزارا ءتيىمدى ەكونوميكالىق ىنتىماقتاستىقتىڭ جاقساراتىنىنا, سونداي-اق بىرلەسكەن يندۋستريالىق جوبالاردىڭ تابىستى جۇزەگە اساتىنىنا سەنىم ءبىلدىردى.
* * *
اقوردادا ەلىمىزدىڭ پرەزيدەنتى نۇرسۇلتان نازارباەۆ يوردانيا كورولى ابداللا يبن حۋسەينمەن كەزدەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ بارىسىندا مەملەكەت باسشىلارى ەكى جاقتى قارىم-قاتىناستاردى دامىتۋدىڭ جاي-كۇيى مەن پەرسپەكتيۆاسىن, سونداي-اق بىرلەسكەن ەكونوميكالىق ءوزارا ءىس-قيمىلدى تالقىلادى.
* * *
اقوردادا مەملەكەت باسشىسى نۇرسۇلتان نازارباەۆ وتپەلى كەزەڭدەگى قىرعىز رەسپۋبليكاسىنىڭ پرەزيدەنتى روزا وتۋنباەۆامەن كەزدەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مەملەكەت باسشىسى ر.وتۋنباەۆانى وتپەلى كەزەڭدەگى قىرعىز رەسپۋبليكاسىنىڭ پرەزيدەنتى قىزمەتىنە سايلانۋىمەن جانە ەلدىڭ جاڭا كونستيتۋتسياسىنىڭ قابىلدانۋىمەن قۇتتىقتادى.
ەكى ەلدىڭ پرەزيدەنتتەرى قوس مەملەكەت اراسىنداعى ەكى جاقتى قارىم-قاتىناستاردى دامىتۋ ماسەلەلەرىن تالقىلادى.
نۇرسۇلتان نازارباەۆ وتپەلى كەزەڭدەگى قىرعىز رەسپۋبليكاسىنىڭ پرەزيدەنتىنە جاڭا قىزمەتىندە تابىستار, ال باۋىرلاس قىرعىز حالقىنا تىنىشتىق, تۇراقتىلىق پەن وركەندىلىك تىلەدى.