ءدال وسى كۇنى ءبىلىم ءالۋشىلار تۇرلى كونتسەرت قويادى, فاكۋلتەتتەر اراسىندا جارىس وتكىزەدى. ال كەش سوڭىندا داستۇرگە ساي داستارحان باسىنا جيىلادى, دەپ جازادى Egemen.kz.
اتاۋلى كۇننىڭ تاريحى ەكىنشى دۇنيەجۇزىلىك سوعىسپەن بايلانىستى. 1939 جىلدىڭ 17 قاراشاسىندا پراگادا فاشيستەر چەح ستۋدەنتتەرىن قىرىپ سالادى. بۇل قاسىرەتتى وقيعا بۇكىل ەۋروپانى ءدۇر سىلكىندىرەدى. 1946 جىلى وتكەن دۇنيەجۇزىلىك ستۋدەنتتەر كونگرەسى وسى وقيعانى نەگىزگە الىپ, 17 قاراشانى حالىقارالىق ستۋدەنتتەر كۇنى رەتىندە بەلگىلەدى.
بۇگىندە مەرەكەنىڭ تاۋقىمەتتى تاريحى ۇمىتىلىپ, ستۋدەنتتەردىڭ كوڭىل كوتەرىپ, جاستىقتىڭ جازعى جانناتىن بىرگە سەزىنەتىن كۇنگە اينالدى. اقىن قادىر مىرزا ءالىنىڭ تومەندەگى ولەڭ شۋماعى ستۋدەنتتەردىڭ ساف ساناسىن, الاڭسىز ءومىرىن ءدال سۋرەتتەيدى:
«باستالماعان قالانىڭ داستانى ءالىبىرىنشى جىل دالا دەپ جاس تامادى.ءبىرىنشى جىل اۋىلى ەستەن كەتپەي,بەسىنشى جىل قيمايدى استانانى».
ۇلتتىق ستاتيستيكا بيۋروسىنىڭ دەرەگىنە سۇيەنسەك, ءدال قازىر ەلىمىزدە 625 مىڭ ستۋدەنت ءبىلىم الىپ جاتىر.