استانا قالاسىندا 101 جانە 112 قىزمەتتەرى بىرىكتىرىلدى. بۇل جۇيە الداعى ۋاقىتتا ەلىمىزدىڭ بارلىق وڭىرىندە كەزەڭ-كەزەڭىمەن ەنگىزىلەدى, دەپ حابارلايدى Egemen.kz.
جاڭارتىلعان جوسپارلاۋ جانە جەدەل باسقارۋ ورتالىعى قوڭىراۋ شالعان ءار ادامنىڭ ناقتى ورنىن انىقتاپ, وتىنىشكە جەدەل ءارى كاسىبي جاۋاپ بەرۋگە مۇمكىندىك بەرەدى.
ء«بىز بىرىڭعاي ءارى زاماناۋي دەن قويۋ جۇيەسىن قالىپتاستىرىپ جاتىرمىز. ءبىرىنشى استانا قالاسىندا, كەيىن بۇل مودەل ەلىمىزدىڭ بارلىق وڭىرلەرىندە ەنگىزىلەتىن بولادى. ءبىزدىڭ مىندەتىمىز ادامنىڭ قاي جەردە ەكەنىنە قاراماستان, ءاربىر قوڭىراۋعا جەدەل ءارى كاسىبي جاۋاپ بەرۋ», دەدى تج ءمينيسترى شىڭعىس ءارىنوۆ.
ايتا كەتەيىك, «112» ديسپەتچەرلەرى ەلوردا تۇرعىندارىنان شامامەن 750 مىڭ قوڭىراۋ قابىلدايدى.