مەملەكەت باسشىسىنىڭ تاپسىرماسىنا سايكەس وقۋ-اعارتۋ مينيسترلىگى الماتىداعى اباي اتىنداعى رەسپۋبليكالىق مەكتەپ-ينتەرناتىن ترانسفورماتسيالاۋدى جۇزەگە اسىرىپ جاتىر, دەپ حابارلايدى Egemen.kz
رەسپۋبليكالىق ونوماستيكالىق كوميسسيانىڭ شەشىمىمەن وعان اباي ۇلتتىق مەكتەبى اتاۋى بەرىلدى. سونداي-اق, ءبىلىم بەرۋ ۇيىمىنىڭ تۇجىرىمداماسى كلاسسيكالىق ءبىلىم بەرۋدى ۇلتتىق جانە حالىقارالىق ستاندارتتارمەن ۇشتاستىرا وتىرىپ, اباي فيلوسوفياسىنا, ونىڭ ىشىندە «بەس اسىل ءىس» يدەياسىنا نەگىزدەلگەن.
باستى ماقسات - مەملەكەت باسشىسىنىڭ «ادال ازامات» تۇجىرىمداماسى مەن ابايدىڭ «تولىق ادام» ىلىمىنە سايكەس بويىنا ۇلتتىق قۇندىلىقتاردى سىڭىرگەن, الەمدىك باسەكەگە قابىلەتتى, تەرەڭ ءبىلىمدى, باستاماشىل, ادال ازامات تاربيەلەۋ.
«900 ورىنعا ارنالعان جاڭا مەكتەپ اۋماعىندا وقۋشىلار ءۇيى دە بوي كوتەردى. وعان قوسا, مەكتەپتە ۇلى اقىننىڭ ءومىرى مەن شىعارماشىلىعىنا ارنالعان اباي مۇراجايى جۇمىس ىستەيدى», دەلىنگەن وقۋ-اعارتۋ مينيسترلىگىنىڭ ءباسپاسوز قىزمەتىندە.
ايتا كەتۋ كەرەك, بۇعان دەيىن اباي مەكتەبىنە وقۋشىلاردى قابىلداۋ 8-سىنىپتان جۇرگىزىلسە, بيىلعى وقۋ جىلىنان باستاپ 7-سىنىپ وقۋشىلارى دا قابىلدانا باستادى.