بۇل تۋرالى ۇكىمەت وتىرىسىندا Qazaq Aquatics فەدەراتسياسىنىڭ باس حاتشىسى دميتري بالاندين حابارلادى, دەپ جازادى Egemen.kz. بۇقارالىق سپورتتى دامىتۋ, حالىقتىڭ سۋ سپورت تۇرلەرىمەن اينالىسۋعا ۇندەيتىن قاناتقاقتى جوبا 2026 جىلى استانا, الماتى قالالارىندا باستالادى.
د.بالاندين ءجۇزۋ ساباعى مەكتەپ باعدارلاماسىنىڭ ءبىر بولىگى بولاتىن جوبانى ەنگىزۋ جۇمىستارى وقۋ-اعارتۋ مينيسترلىگىمەن بىرلەسە جۇرگىزىلىپ جاتقانىن باياندادى.
اتالعان ەكى قالادا كەلەر جىلى قاناتقاقتى رەجيمدە ىسكە قوسىلعاننان كەيىن جوبا بۇكىل ەل اۋماعىندا كەزەڭ-كەزەڭىمەن ەنگىزىلەدى دەپ جوسپارلانىپ وتىر. دميتري بالانديننىڭ ايتۋىنشا, باستاما اقش, اۆستراليا, ۆەنگريا سياقتى ەلدەردىڭ ۇلگىسى بويىنشا جۇزەگە اسىرىلىپ جاتىر. ولار ءجۇزۋ بويىنشا الەمدەگى ەڭ مىقتى ەلدەر جانە كوپ جىلدان بەرى مەكتەپ قابىرعاسىندا بالالاردى جۇزۋگە وقىتۋ باعدارلاماسىن ءساتتى ەنگىزىپ كەلەدى.
ەلىمىزدە 360-تان استام باسسەين بار, ونىڭ 35-ءى – وليمپيادالىق ستاندارتتاعى 50 مەترلىك باسسەيندەر.