قاراساي اۋدانىنداعى الماتى – بىشكەك تاسجولىنىڭ 41-شاقىرىمىندا ءۇش كولىكتىڭ قاتىسۋىمەن ءىرى جول اپاتى بولدى, دەپ حابارلايدى Egemen.kz.
الدىن الا مالىمەت بويىنشا, Lexus RX300 كولىگىنىڭ جۇرگىزۋشىسى رولگە يە بولا الماي, قارسى باعىتقا شىعىپ كەتىپ, Toyota Land Cruiser 100 جانە Toyota Camry اۆتوكولىكتەرىمەن سوقتىعىسقان.
– جول-كولىك وقيعاسى سالدارىنان بارلىق جۇرگىزۋشىلەر مەن جولاۋشىلار ءتۇرلى جاراقاتتارمەن قاسكەلەڭ قالالىق اۋرۋحاناسىنا جەتكىزىلدى, – دەپ مالىمدەدى وبلىستىق پوليتسيا دەپارتامەنتى.
Toyota Land Cruiser كولىگىنىڭ جۇرگىزۋشىسى مەن جولاۋشىسى اۋىر حالدە جانساقتاۋ بولىمىندە جاتىر.
قازىر وقيعانىڭ سەبەپتەرى مەن ءمان-جايى انىقتالىپ جاتىر.
– اۋا رايىنىڭ قولايسىزدىعىنا بايلانىستى جۇرگىزۋشىلەردەن اباي بولۋدى, جىلدامدىق رەجيمى مەن جول قوزعالىسى ەرەجەلەرىن ساقتاۋدى سۇرايمىز, – دەپ ەسكەرتتى پوليتسيا وكىلدەرى.