وبلىس ورتالىعىنداعى «قورقىت اتا» كىتابىنىڭ 1 300 جىلدىعىنا ارناپ ورناتىلعان ەسكەرتكىش ماڭىنداعى ساياباق قايتا جاڭعىردى. قىزىلوردانىڭ استانا اتانعانىنا 100 جىل تولۋىنا وراي وسىدان 23 جىل بۇرىن اشىلعان ساياباق تۇرعىندار دەمالىپ, بالالار وينايتىن قولايلى ورىنعا اينالدى.
ساياباقتى جاڭعىرتقاندار 38 828 شارشى مەتر اۋماق اباتتاندىرىلعانىن ايتادى. قازىر مۇندا زاماناۋي سۋبۇرقاقتار, سپورت, بالالاردىڭ ويىن الاڭدارى, سەرۋەن جولدارى مەن جارىقشامدار ورناتىلعان. جايلى ورىندىقتار, شاعىن ساۋلەتتىك نىساندار قويىلىپ, كوگالداندىرۋ, سۋارۋ جۇيەسى جۇرگىزىلگەن.
«تازا قازاقستان» جالپىۇلتتىق ەكولوگيالىق باعدارلاماسى اياسىندا باستاماعا جۇزدەگەن جان قاتىسىپ, قايتا جاڭعىرعان ساياباق اۋماعىنا تال ەگىپ, اينالاسىن تازالادى.
قىزىلوردا