قۇرلىقتىق حوككەي ليگاسىنىڭ كەزەكتى تۋرىندا ەلوردالىق «بارىس» كومانداسى ومبى قالاسىندا «اۆانگاردقا» قارسى مۇز ايدىنىنا شىعادى. ويىن قازاقستان ۋاقىتىمەن 18:20-دا باستالىپ, «Qazsport» تەلەارناسىنان تىكەلەي ەفيردە كورسەتىلەدى, دەپ حابارلايدى Egemen.kz.
بۇعان دەيىن قوس كوماندا 76 رەت كەزدەسىپ, ولاردىڭ 25-ىندە ەلوردالىق «بارىس» جەڭىسكە جەتكەن. قالعان ماتچتاردا ومبىنىڭ «اۆانگاردى» ۇستەم تۇسكەن.
قازىر قحل تۋرنير كەستەسىندە «بارىس» 19 ۇپايمەن 15-ورىندا, ال قارسىلاسى «اۆانگارد» 25 ۇپايمەن 7-ساتىدا تۇر. بۇل ويىن قازاقستاندىق كلۋب ءۇشىن پلەي-وفف ايماعىنا جاقىنداي تۇسۋگە مۇمكىندىك بەرەتىن ماڭىزدى سىن بولماق.
ايتا كەتەيىك, «بارىس» كەلەسى كەزدەسۋىن 31 قازاندا سىرت ايدىندا چەليابىدە «تراكتورعا» قارسى وتكىزەدى.