قازاقستان – مۇحيتقا نەمەسە تەڭىزگە تىكەلەي شىعاتىن جولى جوق الەمدەگى ەڭ ءىرى ەل. وسى ەرەكشەلىگى ءۇشىن قازاقستان گيننەسس رەكوردتار كىتابىنا ەنگەن.
قازاقستاننىڭ اۋماعى – 2,724,900 شارشى شاقىرىم, ياعني باتىستان شىعىسقا دەيىنگى قاشىقتىق شامامەن 3 مىڭ شاقىرىمنان اسادى. بۇل كورسەتكىش بويىنشا ەلىمىز الەمنىڭ توعىزىنشى ءىرى مەملەكەتى. گەوگرافتار قازاقستاندى ءجيى «ەۋرازيانىڭ جۇرەگى» دەپ اتايدى. ويتكەنى ءبىزدىڭ ەل – مۇحيتتاردان ەڭ الىس ورنالاسقان ايماقتاردىڭ ءبىرى. ءتىپتى جەر شارىنداعى مۇحيتتان ەڭ شالعاي نۇكتە ءدال ورتالىق قازاقستان اۋماعىندا جاتىر. بۇل تابيعي ەرەكشەلىك ەلىمىزدىڭ كليماتىنىڭ ءار الۋان بولۋىنا اسەر ەتەدى.