بانك قىزمەتىن جۇيەلەيتىن جوبا

جالپى وتىرىستا دەپۋتات­تار­دىڭ قاراۋىنا «قازاقستان رەس­پۋب­لي­كاسىنداعى بانكتەر جانە بانك قىزمەتى تۋرالى» زاڭ جوبا­سى جانە قارجى نارىعىن رەت­تەۋ جانە دامىتۋ ماسەلەلەرى بو­يىنشا تۇزەتۋلەر ۇسىنىلا­دى. قۇجاتتاردى وتكەن جىلعى 2 قىركۇيەكتەگى جانە بيىل­عى 8 قىركۇيەكتەگى پرەزيدەنت جول­داۋىن جۇزەگە اسىرۋ اياسىندا ۇكى­مەت ازىرلەگەن. زاڭ جوبالارى بانك جۇيەسىنىڭ تۇراقتىلىعىن جانە باسە­كەگە قابىلەتتىلىگىن ارتتىرۋعا, تۇتى­نۋشىلار قۇقى­عىن قورعاۋدى كۇشەي­تۋگە جانە ۇلتتىق تسيفرلىق ينفرا­قۇرىلىمدى دامىتۋعا باعىتتالعان.

سونىمەن قاتار پالاتاعا ءبىرىنشى وقىلىمدا تاريحي-مادە­ني مۇرا وبەكتىلەرىن قورعاۋ ماسەلە­لەرىنە قاتىستى زاڭنامالىق تۇزەتۋ­لەردى تالقىلاۋ ۇسىنىلادى. زاڭ جوباسى پارلامەنت دەپۋتات­تارىنىڭ باستاماسىمەن مەملەكەت باسشىسىنىڭ بىل­تىرعى 15 ناۋرىزدا وتكەن ۇلت­تىق قۇرىلتايدىڭ ءۇشىنشى وتى­رى­­سىنداعى ارحەو­لوگيالىق قىز­مەتتى رەتتەۋ تۋرالى تاپسىرماسىن ورىنداۋ ماقساتىمەن ازىرلەنگەن.

جوبادا ارحەولوگيالىق جۇ­مىس­­­تاردى ليتسەنزيالاۋ جۇيە­سىن وزگەرتۋ, ەسكەرتكىشتەر مەن ارحەو­­لو­گيالىق نىساندار تۋرالى دەرەك­­تەردى جۇيەلەۋ, بىرىككەن اۆتو­مات­تاندى­رىلعان اقپا­رات­تىق جۇيە قۇرۋ, سونداي-اق ءا.ح.مار­عۇلان اتىن­داعى ارحەولوگيا ينستيتۋتى ۇيلەستىرەتىن ۇلتتىق ارحەو­­لوگيا­لىق قىزمەتتىڭ قۇزى­رەتت­ەرىن ايقىنداۋ كوزدەلەدى.

ءماجىلىستىڭ سالالىق كوميتەت­تەرى بىرقاتار جاڭا زاڭ جوباسىن جۇمىسقا الادى. ولار – 1993 جىلعى 22 قاڭتارداعى جانە 2002 جىلعى 7 قازانداعى ازاماتتىق, وتباسىلىق جانە قىلمىستىق ىستەر بويىنشا قۇقىقتىق كومەك پەن قۇقىقتىق قاتىناستار تۋرالى كونۆەنتسيالارعا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى, 2010 جىلعى 9 جەلتوقسانداعى قازاق­ستان مەن رەسەي ۇكىمەتتەرى اراسىن­داعى ەلىمىزگە مۇناي جانە مۇ­ناي ونىمدەرىن جەتكىزۋ سالاسىن­داعى ساۋدا-ەكونوميكالىق ىنتىماق­تاستىق تۋرالى كەلىسىمنىڭ قولدانى­لۋىن قايتا باستاۋ جانە وعان وزگەرىس­تەر ەنگىزۋ تۋرالى حاتتامانى راتي­في­كاتسيالاۋ تۋرالى زاڭ جوبالارى.

سونداي-اق دەپۋتاتتار اكىمشى­لىك قۇقىق بۇزۋشىلىق تۋرالى كودەكسكە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ماسەلەلەرى بويىنشا ەنگىزىلەتىن تۇزەتۋلەردى جۇمىسقا الادى.