كەشە پارلامەنت سەناتىنىڭ توراعاسى قاسىم-جومارت توقاەۆ ءازىربايجاننىڭ قازاقستانداعى ەلشىسى لياتيف سەيفەددينوعلى گانديلوۆتى ونىڭ ءبىزدىڭ ەلدەگى ديپلوماتيالىق ميسسياسىنىڭ اياقتالۋىنا بايلانىستى قابىلدادى.
كەزدەسۋ بارىسىندا توراعا قازاقستان مەن ءازىربايجان اراسىنداعى دوستىق قاتىناستاردى نىعايتۋعا قوسقان قوماقتى ۇلەسىنە وراي ل.گانديلوۆقا العىس ايتىپ, العىس حات تابىس ەتتى.
ء“بىزدىڭ مەملەكەتتەرىمىزدى حالىقارالىق ساياساتتىڭ اۋقىمدى ماسەلەلەرىنە كوزقاراستار ۇقساستىعى, ەكونوميكالىق جانە ساياسي بەلسەندى بايلانىستار جانە ءمادەنيەتتەر ورتاقتىعى بىرىكتىرەدى”, – دەدى ق.توقاەۆ.
ل.گانديلوۆ ءوز كەزەگىندە ەلشى كەزىندەگى قىزمەتىن قولداعانى ءۇشىن قازاقستاندىق باسشىلارعا ريزاشىلىعىن ءبىلدىردى, دەپ حابارلادى پارلامەنت سەناتىنىڭ ءباسپاسوز قىزمەتى.