سينوپتيكتەر 23 قازان كۇنى قازاقستاننىڭ 12 قالاسىندا قولايسىز مەتەورولوگيالىق جاعدايدىڭ ورناۋى مۇمكىن ەكەنىن ەسكەرتتى, دەپ حابارلايدى Egemen.kz.
«قازگيدرومەت» مالىمەتىنشە, 23 قازان كۇنى پەتروپاۆل, كوكشەتاۋ, قاراعاندى, تەمىرتاۋ, وسكەمەن, سەمەي, ريددەر, اقتوبە, شىمكەنت جانە الماتى قالالارىندا, ال تۇندە اتىراۋ مەن استانا قالالارىندا قولايسىز مەتەورولوگيالىق جاعدايلار كۇتىلەدى.
قولايسىز مەتەورولوگيالىق جاعدايلار (قمج) – قىسقا مەرزىمدى مەتەورولوگيالىق فاكتورلاردىڭ بىرىگۋىنەن تۋىندايتىن قۇبىلىس. بۇل فاكتورلار اتموسفەرانىڭ تومەنگى قاباتىندا زياندى (لاستاۋشى) زاتتاردىڭ جينالۋىنا ىقپال ەتەدى.
سينوپتيكتەردىڭ ەسكەرتۋىنشە, قمج كەزىندە اۋا ساپاسىنىڭ ناشارلاۋى مۇمكىن, بۇل ءوز كەزەگىندە ادامداردىڭ دەنساۋلىعىنا اسەر ەتۋى ىقتيمال. تۇرعىندارعا اباي بولۋعا, اسىرەسە تىنىس الۋ جولدارىنا سەزىمتال ادامدارعا ساقتىق شارالارىن ساقتاۋعا كەڭەس بەرىلەدى.