• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
«تازا قازاقستان» 22 قازان, 2025

كوشەت – كوشەنىڭ ءسانى

40 رەت
كورسەتىلدى

ەكىباستۇز قالاسىندا اۋقىمدى كوگال­دان­دىرۋ اكتسياسى ءوتتى. ەكو­لوگيالىق ءىس-شاراعا بيلىك وكىلدەرى, قوعامدىق, جاس­تار ۇيىمدارى وكىلدەرى, دەپۋتاتتار, كاسىپورىن قىزمەتكەرلەرى مەن قالا تۇرعىندارى قاتىستى.

ەكولوگيالىق مادەنيەتتى قالىپتاستىرۋ, جايلى ورتا قۇرۋ ماقساتىندا قولعا الىنعان «تازا قازاقستان» جالپىۇلتتىق اكتسياسى ەرتىس-بايان وڭىرىندە ساتىمەن ورىندالىپ جاتىر. سونىڭ ءبىر مىسالى, ەكىباستۇزدا جۇزەگە اسىپ جاتقان كوگالداندىرۋ ءىس-شارالارى. جۋىردا ۆوكزال ماڭىنداعى گۇلزاردا 300-دەن استام قايىڭ مەن بالقاراعاي كوشەتى وتىرعىزىلدى. بۇعان دەيىن ەكىباستۇز قالاسىنداعى ونەركاسىپتىك كاسىپورىنداردىڭ اۋماعى مەن كوشەلەردە 600 ءتۇپ اعاش ەگىلگەن ەدى. جاقىن ارادا قالا گۇلزارلارىنا قوسىمشا 130 قاراعاي مەن تەرەك كوشەتىن وتىرعىزۋ جوسپارلانىپ وتىر. سونىمەن قاتار سانيتارلىق ماقساتتا قۋراعان اعاشتاردى كەسۋ جۇمىسى جالعاسىپ جاتىر. بۇگىندە شامامەن 5000 ءتۇپ اعاش كەسىلىپ, اپاتتى جاعدايداعى 250 اعاش جويىلدى.

ءوڭىر باسشىسى اسايىن بايحانوۆ ەكولوگياعا قامقورلىق كورسەتۋ ءبىر رەتتىك عانا ءىس-شارا ەمەس, ءاربىر ادام­نىڭ كۇندەلىكتى ءومىرىنىڭ ءبىر بولشە­گىنە اينالۋ­عا ءتيىس ەكەنىن اتاپ ءوتتى. «مۇن­داي اكتسيا تابيعاتقا دە­گەن قامقورلىقتىڭ اياسىندا ادامداردى ءبىر ارناعا بىرىك­تىرەدى. قالالاردى, ­اۋىل-اۋدانداردى جايلى ءارى كورىكتى ەتۋ جۇمىستارى تۇراقتى تۇردە جالعاسا بەرەدى», دەدى وبلىس اكىمى.

 

پاۆلودار وبلىسى,

ەكىباستۇز قالاسى

سوڭعى جاڭالىقتار